Татарстан Республикасы Министрлыклары Татарстан Республикасы Экология һәм табигать ресурслары министрлыгы

ЯҢАЛЫКЛАР

апрель, 2013 ел

дүшәмбе

Татарстанның Азнакай муниципаль районының “Алтын балык” балалар бакчасында Җир көненә багышланган бәйрәм үткәрелде. Мәктәпкәчә зур яшьтәге балалар тематик театраль тамаша әзерләгәннәр иде. Алар әйләнә-тирәлеккә сак карарга кирәклек, кешенең һәм табигатьнең үзара бәйләнгән булуы турындагы белемнәрен мавыктыргыч итеп күрсәттеләр.

Халыкара Җир көне

Бүген Халыкара Җир-Ана көне (International Mother Earth Day), ул БМО эгидасы астында үткәрелә. Бу бөтендөнья акциясенең төп максаты булып җәмәгатьчелекнең һәм планетада яшәүче һәркемнең игътибарын Җир һәм әйләнә-тирәлек проблемаларына юнәлтү тора.

апрель, 2013 ел

шимбә

Күмәк көч белән

Бүген Татарстан Экология һәм табигый байлыклар министрлыгы хезмәткәрләре Казан шәһәрен чистартуга үз өлешләрен керттеләр. Атап әйткәндә, “Өйләнешүчеләр” паркы территориясен чүп-чардан арындырдылар, Татарстан Фәннәр Академиясенең Экология һәм җир асты байлыкларыннан файдалану институты хезмәткәрләре белән берлектә “Эрмитаж” бакчасын җыештырдылар, Техник урам турысында Кабан күле ярын һәм Харовое күлен чистартуда катнаштылар.

апрель, 2013 ел

җомга

Питрәч һәм Биектау районнарына рейд

Шәһәр һәм район территорияләрен чистарту буенча 15 апрельдә башланган санитар-экологик икеайлык кысаларында Татарстан Экология һәм табигый байлыклар министрлыгы хезмәткәрләре Питрәч һәм Биектау районнарына рейд үткәрделәр.

Казан Зооботаник бакчасында экологик десант

Бүген Татарстан Экология һәм табигый байлыклар министрлыгы башлангычы белән Казан Зооботаник бакчасы чистартылды. Санитар-экологик икеайлык кысаларында КНИТУ КАИның промышленность һәм экологик куркынычсызлык кафедрасы студентлары зоопарк территориясен чүп-чардан чистарттылар, чәчәкләр һәм үсемлекләр утырту өчен туфрак әзерләделәр. Оештыручылар – Татарстан Экология һәм табигый байлыклар министрлыгының башкаручы киңәшчесе Елена Гыйльмеҗанова, промышленность һәм экологик куркынычсызлык кафедрасы мөдире Елена Муравьева.

«Экологик куркынычсызлык» конкурсы йомгаклары

Чаллы шәһәренең “Кама балалар медицинасы үзәге”ндә Татарстанның экологик культура һәм әйләнә-тирәлекне саклау елы кысаларында оештырылган “Экологик куркынычсызлык” конференциясе булып узды, анда шул исемдәге конкурска йомгаклар ясалды. Март аенда барлык структур тармаклар медицина калдыклары белән эш итү таләпләрен, санитар-эпидемиологик һәм экологик кагыйдәләрне үтәү җәһәтеннән тикшерелгән иде. Конкурс йомгаклары буенча һәм структур тармакта иң яхшы бүлекчәләр билгеләнде.

«Җир – туган анабыз»

2013 елның 17 апрелендә аерым предметларны тирәнтен укытулы 1нче Болгар урта мәктәбендә яшь экологларның һәм туган якны өйрәнүчеләрнең “Җир – туган анабыз” дигән фәнни-практик конференциясе булып узды. Аны әзерләү барышында Спас районы Балалар иҗаты йорты тарафыннан экология һәм туган якны өйрәнү буенча конкурслар игълан ителгән иде.

Ык буе территориаль идарәсендә экологик белем көннәре

Экологик культура һәм әйләнә-тирәлекне саклау елы кысаларында Ык буе территориаль идарәсендә Мөслим һәм Азнакай районнарының мәктәп укучылары өчен махсуслашкан аналитик контроль инспекциясенә күзәтү экскурсиясе үткәрелде.

20 апрель – республика өмәсе

20 апрель көнне Татарстанның барлык шәһәр һәм районнарында территорияләрне санитар чистарту буенча өмә уздырылачак. Анда җәмәгать оешмаларының, студентларның, волонтерларның һәм өлкән класс укучыларының актив катнашуы көтелә. Татарстан Экология һәм табигый байлыклар министрлыгы хезмәткәрләре “Яшьләр” паркы территориясен чүп-чардан чистартачак, Татарстан Фәннәр Академиясенең Экология һәм җир асты байлыкларыннан файдалану проблемалары институты хезмәткәрләре белән берлектә “Эрмитаж” бакчасын җыештырачак, Техник урам турысында Кабан күле яр буен чистартуда катнашачак.

апрель, 2013 ел

пәнҗешәмбе

18–22 апрель – Тыюлыклар һәм милли парклар көннәре (Парклар Маршы)

18 апрельдә Тыюлыклар һәм милли парклар көннәре башланды. Россиядә бу датаны беренче тапкыр 1995 елда Кыргый табигатьне саклау үзәге башлангычы белән билгеләп үткәннәр иде. 18–22 апрель көннәре “Парклар Маршы” исемен алды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ