ЯҢАЛЫКЛАР
Резин-техника эшләнмәләрен законсыз гына чыгарып ташлау омтылышы чынга ашмаган. Түбән Кама шәһәренең 13 нче гараж кооперативы территориясендәге тәртип бозу очрагы видеокүзәтү камерасына эләккән. Чаралар күрү өчен, гараж кооперативы рәисе Татарстан Республикасы Экология һәм табигать ресурслары министрлыгының Кама Аръягы территориаль идарәсенә мөрәҗәгать иткән.
Татарстан Республикасы Экология һәм табигать ресурслары министрлыгының Кама буе территориаль идарәсе инспекторлары офис һәм көнкүреш биналарыннан калган, сортларга аерылмаган чүп-чар, бетон эшләнмә калдыклары, шулай ук иске автомобиль әиннары кебек чүплек өеменә тап булган. Металлургия һәм Моторная урамнары киселешендә барлыкка килгән рөхсәтсез калдыклар турында уяу гражданнар хәбәр иткән.
Металлолом, профнастил, агач калдыклары. Экологлар боларның барысына да Баулы районының Яңа Баулы авылында торак йорт янындагы территориядә тап булган. Рөхсәтсез калдык ташлау мәйданы 103 кв. метр тәшкил итә.
Түбән Кама районының Балчыклы авылыннан ерак түгел санкцияләнмәгән чүплек булуы турында Татарстан Республикасы Экология һәм табигать ресурслары министрлыгының Кама аръягы территориаль идарәсе инспекторлары «Халык контроле» аша белгән.
30 нчы марттан башлап азот оксиды, азот диоксиды һәм үлчәнгән кисәкчәләр катнашмасы кимегән. ТР Экология һәм табигать ресурслары министрлыгы белгечләре мондый мәгълүматларны атмосфера һавасы пычрануга автоматик контроль станцияләреннән кергән күрсәткечләрне анализлауга нигезләнеп китерә. Казанда барлыгы шундый дүрт станция бар.
Ютазы районының Урыссу бистәсендә чүплек ачыкланган. Татарстан Республикасы Экология һәм табигать ресурслары министрлыгының Ык буе территориаль идарәсе инспекторлары торак пунктның көнбатыш өлешендә, бакчачылык массивы территориясендә рөхсәтсез калдык ташлау урынын ачыклаган. 351 м3 күләмендәге көнкүреш чүп-чары, үсемлек калдыклары туфракка ташланган, мәйданы 270 м2 тәшкил иткән.
«Весна-2» бакчачылык ширкәте территориясендәге чүп контейнерлары өчен билгеләнгән урында биналарны сүтүдән калган, агач, пластмасса һәм башка продукция калдыклары белән тулган, чаралар күрегез! Кама буе территориаль идарәсе инспекторлары «Халык контроле» системасы аша әнә шундый хәбәр алган.
ТР Экология һәм табигать ресурслары министрлыгының Идел аръягы территориаль идарәсе инспекторлары Буада биналарны сүтүдән калган калдыкларның туфракка туплану очрагын теркәгән. Р. Люксембург һәм Арефьев урамнары киселешендәге чүп-чар урынының мәйданы 100 кв. метр тәшкил иткән, аның күләме – 25 куб. метр.
Сидоровка бистәсе өстендә – кара төтен, суларга һава юк! Татарстан Республикасы Экология һәм табигать ресурслары министрлыгының Кама буе территориаль идарәсенә Чаллы шәһәрендә яшәүчеләр әнә шундый шикаять белән мөрәҗәгать иткән.
Бүген «Татар-информ» мәгълүмат агентлыгында узган матбугат конференциясендә апрель нәтиҗәләре буенча санитар-экологик икеайлык нәтиҗәләре турында сөйләштеләр. Чара журналистлар белән Татарстанның экология һәм табигать ресурслары министры Александр Шадриков катнашында онлайн режимда узды.