Татарстан Республикасы Министрлыклары Татарстан Республикасы Экология һәм табигать ресурслары министрлыгы

ЯҢАЛЫКЛАР

июль, 2014 ел

пәнҗешәмбе

Иң яхшы экологик плакат конкурсы үткәрелде

Татарстан Экология һәм табигый байлыклар министрлыгының Төньяк территориаль идарәсе белгечләре Балтач районы “Романтик” балаларны савыктыру лагерында иң яхшы экологик плакат конкурсы үткәрделәр. Анда 7–16 яшьлек балалардан торган 7 отряд катнашты. Плакатлар туган як табигатенә сак караш, төрле җирләрдә үз-үзеңне тоту кагыйдәләре, дөньякүләм экологик проблемалар турында булды. Жюри каравына шулай ук “Табигатькә сак караш” темасына төшерелгән рәсемнәр дә тапшырылды. Иң яхшы эшләр өчен дипломнар һәм истәлекле призлар бирелде.

июль, 2014 ел

чәршәмбе

Австриядә UNIDO-ГЭФ проекты киңәшмәләре бара

Бу көннәрдә Австриядә Татарстан индустрия предприятиеләренең энергия куллануын һәм парник газлары чыгаруын киметүгә юнәлтелгән UNIDO-ГЭФ проекты кысаларындагы киңәшмәләр шәлкеме уздырыла. Аларда Татарстан экология һәм табигый байлыклар министрының беренче урынбасары Рөстәм Камалов та катнаша.

июль, 2014 ел

дүшәмбе

Санкт-Петербургта III халыкара экологик форум үткәрелә

2014 елның 21-24 сентябрендә Санкт-Петербургта “Әйләнә-тирәлек һәм кеше саулыгы: хәзерге микробиологиянең фундаменталь, клиник һәм экологик аспектлары” дигән Өченче халыкара экологик форум үткәрелә. ЭкоФорум-2014 эшендә Россия, БДБ, Европа берлеге, АКШ, Япония һәм башка илләрдән галимнәр катнаша. Аның кысаларында “түгәрәк өстәл”ләр, фәнни тикшеренү һәм белем бирү оешмаларының казаныш күргәзмәләре оештырылачак.

июль, 2014 ел

сишәмбе

«Саф караш» конкурсы башланды

Татарстан Экология һәм табигый байлыклар министрлыгы Яшьләрнең “Саф караш” 3нче ачык социаль-экологик реклама конкурсы башлану турында белдерә.

июль, 2014 ел

дүшәмбе

«Ел җитәкчесе» конкурсы

2014 ел йомгаклары буенча “Ел җитәкчесе” республика иҗтимагый конкурсы игълан ителде. Ул үз эшендә югары нәтиҗәләргә ирешкән һәм республиканың социаль-экономик бурычларын чишүгә сизелерлек өлеш керткән иң яхшы предприятие һәм оешма җитәкчеләренең уңай тәҗрибәсен тарату, аларны җәмгыятьтә таныту һәм дәртләндерү максатыннан үткәрелә.

июль, 2014 ел

җомга

«Табигатьне сакла» акциясе үткәрелде

Татарстан Экология һәм табигый байлыклар министрлыгының Көньяк-Көнчыгыш территориаль идарәсе, “Бердәм Россия Яшь гвардиясе”нең Норлат бүлекчәсе белән бергә, шәһәр карьеры буасы территориясендә “Табигатьне сакла” экологик акциясе үткәрде. Тарн-варн торак пунктына янәшәсендәге яр буе чүп-чардан чистартылды. 3 кубометр чамасы чүп-чар җыелып, каты көнкүреш калдыклары полигонына озатылды. Экологик акцияне үткәрүдә Норлат муниципаль районы башкарма комитеты зур ярдәм күрсәтте.

2014 елның I яртысы йомгаклары

Татарстан Экология һәм табигый байлыклар министрлыгы коллегиясенең “Татарстан Республикасы Экология һәм табигый байлыклар министрлыгының 2014 елның I яртысындагы эш йомгаклары турындагы” утырышы булып узды, анда Министр Артем Сидоров рәислек итте.

июль, 2014 ел

пәнҗешәмбе

Министрның Балыкчы көне белән котлавы

Хөрмәтле балыкчылар, балык хуҗалыгы предприятиеләрендә һәм оешмаларында эшләүчеләр, тармак ветераннары!
Сезне һөнәри бәйрәмегез – Балыкчы көне белән чын күңелдән котлыйм!

июль, 2014 ел

дүшәмбе

Экология министрлыгының Үзәк территориаль идарәсе белгечләре атмосфера һавасын саклау кагыйдәләрен бозу очрагын ачыклады

Үзәк территориаль идарә инспекторлары, дәүләти экологик күзәтчелек кысаларында, “Карамай” тышкы сәүдә фәнни-җитештерү берләшмәсе” җаваплылыгы чикләнгән җәмгыятенә карата, автоягулык станциясе эшчәнлеге нәтиҗәсендә атмосфера һавасына зарарлы пычраткыч матдәләр чыгаруга рөхсәте булмаган өчен, “Атмосфера һавасын саклау кагыйдәләрен бозу” РФ КоАП 8.21 статьясы буенча административ материал төзеделәр.

июль, 2014 ел

чәршәмбе

Үзәк территориаль идарә инспекторлары чүплек тапты

Татарстан Экология һәм табигый байлыклар министрлыгының Үзәк территориаль идарәсе инспекторлары Мирный бистәсе янындагы 16:50:170802:26 кадастр номерлы җир кишәрлегенең санитар-экологик торышын тикшереп, рөхсәтсез калдыклар чүплеге, атап әйткәндә кирпеч, бетон, агач ватыклары өеме тапты. 2014 елның июнь аенда монда 200дән артык үзбушаткыч төзелеш чүп-чары ташланган булып чыкты. Элегрәк, санитар чистарту буенча икеайлык үткәрү чорында, территория шәһәр көчләре тарафыннан тәртипкә китерелгән булган.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ