Министрның Балыкчы көне белән котлавы

Хөрмәтле балыкчылар, балык хуҗалыгы предприятиеләрендә һәм оешмаларында эшләүчеләр, тармак ветераннары!
Сезне һөнәри бәйрәмегез – Балыкчы көне белән чын күңелдән котлыйм!
Балыкчы көнен дөньяның күп илләрендә бәйрәм итәләр. Ләкин элекке совет илләрендә бу бәйрәмнең аерата үз төсе бар. Россиядә 1980 елдан бирле билгеләп үтелә торган бу көндә гомерләре балык тоту һәм эшкәртү белән бәйләнгән барлык дус-ишләр, балыкчы кордашлар бер-берсен һәм халыкны котлыйлар.
Балыкчы һөнәре, романтикадан тыш, – шактый авыр тормыш юлы да әле ул, аңа көчле кешеләр генә сәләтле. Балыкчылык тармагында булган төрле кыенлыкларга да карамастан, бүгенге көндә сез республикабызның кулланыш базарын сыйфатлы балык продукциясе белән тәэмин итү, сулыкларның биологик хәзинәсеннән ырамлы файдалану кебек мөһим бурычларны уңышлы үтәп киләсез.
Барлык балыкчыларны – һөнәр ияләрен дә, һәвәскәрләрне дә, балык тотудан бары тик ямь табучыларны да чын күңелдән ихлас котлыйм!
Тәҗрибә һәм һөнәри осталыкларыгыз Татарстанның балык хуҗалыгын, илнең иң яхшы балыкчылык традицияләрен арытаба үстерүгә хезмәт итсен, ә коллега һәм дусларыгызның хөрмәте, туганнарыгыз һәм якыннарыгызның мәхәббәте сезне тагы да дәртләнебрәк эшләүгә этәрсен!
Тормышыгызда игелек һәм уңышлар юлдаш булсын, җил-давыллар сезне һәрчак урап үтсен!