ЯҢАЛЫКЛАР

Татарстан Экология һәм табигый байлыклар министрлыгында Татарстан министрлыклары һәм тармаклары катнашында “ИнтерБизнесГрупп Инжиниринг” җаваплылыгы чикләнгән җәмгыятенең углеводородлы калдыкларны, чистарту корылмаларының ләмле утырымнарын, кош тизәген, катыргы-кәгазь җитештерү калдыкларын эшкәртү объектлары төзү турындагы инвестицион тәкъдиме каралды.
Татарстан экология һәм табигый байлыклар министрының беренче урынбасары Рөстәм Камалов әлеге калдык төрләрен эшкәртү проблемасының республика өчен актуаль булуын белдерде.

Татарстан Экология һәм табигый байлыклар министрлыгында “Милли аккредитация системасында аккредитацияләү турындагы” 28.12.2013 ел № 412 федераль законы кысаларында эш итүче милли аккредитация системасы документларының гамәлгә керүе буенча селектор киңәшмәсе үткәрелде, анда Министрлыкның Үзәк махсус аналитик контроль инспекциясе башлыгы Андрей Шибаев рәислек итте.

2014 елның 2-3 октябрендә Россия Федерациясе Табигый байлыклар һәм экология министрлыгында “Биологик төрлелек һәм бизнес: алымнар һәм чишелешләр” халыкара конференциясе үткәрелә. Аның юнәлеше булып нефть һәм күмер чыгару индустрияләре, гидроэнергетика өлкәсендә хуҗалык эшчәнлеген планлаштыру, оештыру һәм тормышка ашыру процессларына биологик төрлелекне саклау мәсьәләләрен дә кертү буенча дәүләт хакимияте органнарының, төрле ил галимнәренең һәм бизнесның нәтиҗәле хезмәттәшлеге механизмнарын эзләү тора.

2014 елның 23-24 октябрендә Владивостокта “Чикләрсез табигать” VIII халыкара экология форумы үткәрелә.
Бу форум ел саен үзенә төрле илләрнең күренекле фән эшлеклеләрен, җәмәгать оешмалары вәкилләрен җыя. Аның 2014 елгы төп темасы – “Экология һәм бизнес: тартышудан аңлашуга”. Форум кысаларында шулай ук “Тотрыклы үсеш һәм табигатьтән файдалану: чишелеш юллары”, “Су ресурслары: кичә, бүген иртәгә” дигән секция утырышлары,

2014 елның 1 сентябреннән Татарстан уку йортларында “Мәктәп эко-патруле” дигән конкурс башлана. Чараның максаты – мәктәп балаларын санитар тәртип урнаштыру эшенә җәлеп итү. Аның Татарстан Экология һәм табигый байлыклар министрлыгы, Татарстан Информатизация һәм элемтә министрлыгы, Татарстан Мәгариф һәм фән министрлыгы әзерләгән проекты бүген мәгариф һәм фән хезмәткәрләренең Байлар Сабасында булып узган Август киңәшмәсе пленар утырышында тәкъдим ителде.

2014 елның 30 августында Россия Федерациясе территориясендә “Яшел Россия” экология өмәсе үткәрелә. Чараның максаты булып шәһәр һәм төбәкләрнең экологик торышын яхшырту тора. Акциядә Россиянең 83 регионындагы җәмәгать оешмалары һәм хәрәкәтләреннән, эре, кече һәм урта бизнестан вәкилләр, әйләнә-тирәлек пычрануга битараф булмаучылар катнашыр дип көтелә. Аны Россия Табигый байлыклар һәм экология министрлыгы һәм Россия табигать күзәтчелеге ярдәмендә “Яшел Россия” җәмәгать хәрәкәте үткәрә. Татарстанда акция барлык шәһәр һәм районнарда Татарстан Экология һәм табигый байлыклар министрлыгы һәм Татарстан буенча Россия табигать күзәтчелеге ярдәмендә үткәрелә.

Бүген Татарстан Экология һәм табигый байлыклар министрлыгының Үзәк махсус аналитик контроль инспекциясе белгечләре, Үзәк территориаль идарә инспекторлары белән берлектә, Казансу елгасының өслек сулары торышына мониторинг үткәрделәр. Чара Казанда 8-10 августта үтәчәк Хай-дайвинг буенча дөнья кубогы кысаларында башкарыла. Бүген 32 күрсәткеч буенча су пробалары алынды. Күчмә лаборатория ярдәмендә урында аммоний ионнарына, эрегән кислородка анализ ясалды һәм pH кимәле билгеләнде. Су барлык күрсәткечләр буенча да халык мәдәни-көнкүреш максатларында куллана торган су объекты нормативларына туры килә.

2014 елның 21-23 ноябрендә Мәскәүдә 3нче халыкара махсуслашкан “ЭкоШәһәрЭкспо 2014” экологик чиста, табигый һәм органик продукция күргәзмәсе үткәреләчәк. Өч көн буена анда Россия һәм чит ил җитештерүчеләренең экологик продукциясе дүрт бүлектә күрсәтелә:
– “ЭкоFood” – экологик азык-төлек һәм эчемлекләр, таза туклану, фермерлар продукциясе;
– “ЭкоBeauty” – матурлык, косметика һәм мода индустриясендә органик һәм табигый продуктлар;
– “ЭкоHouse” – экологик торак кору, тоту һәм төзү өчен кирәкле барлык нәрсәләр;

Хай-дайвинг буенча Казанда 8-10 августта узачак дөнья кубогы алдыннан Татарстан Экология һәм табигый байлыклар министрлыгы Казансу елгасының өслек сулары торышына көндәлек мониторинг үткәрә. Су сыйфатын контрольдә тоту өчен Үзәк махсуслашкан аналитик контроль инспекциясе көн саен су пробалары ала.

Татарстан Экология һәм табигый байлыклар министрлыгы “ЭКОлидер” һәм “Кеше һәм табигать” еллык республика конкурслары башлануны игълан итте.
Конкурслар җәмәгатьчелек игътибарын экологик куркынычсызлык проблемаларына җәлеп итү, предприятиеләрне табигать саклау эшчәнлеге белән кызыксындыру, шулай ук республика массакүләм хәбәр чараларының эшен активлаштыру, экологик темаларны яктыртучы журналистларның һөнәри осталыкларын күтәрү максатыннан үткәрелә.