«Ел җитәкчесе» конкурсы

2014 ел йомгаклары буенча “Ел җитәкчесе” республика иҗтимагый конкурсы игълан ителде. Ул үз эшендә югары нәтиҗәләргә ирешкән һәм республиканың социаль-экономик бурычларын чишүгә сизелерлек өлеш керткән иң яхшы предприятие һәм оешма җитәкчеләренең уңай тәҗрибәсен тарату, аларны җәмгыятьтә таныту һәм дәртләндерү максатыннан үткәрелә.
2014 елгы конкурс шундый номинацияләр буенча үткәрелә: “Югары конкуренция сәләте өчен”, “Актив инвестиция эшчәнлеге өчен”, “Инновацион эшчәнлектәге казанышлары өчен”, “Югары социаль җаваплылык өчен”, “Кадрлар потенциалын актив үстергән өчен”, “Җитештерүнең экологик куркынычсызлыгы өчен”, “Кече (урта) бизнес предприятиесе белән уңышлы идарә иткән өчен”, “Куркынычсыз һәм сау хезмәт шартлары булдырган өчен”, “Сакчыл җитештерү” методикасын иңдергән өчен”.
Конкурс турында Кагыйдәләр, күрсәткечләр исемлеге, тиешле тутыру формалары белән www.rgrt.ru сайтының “Документлар” бүлегендә җентеклерәк танышырга мөмкин.
Конкурста алдагы өч елда лауреат булганнар катнаша алмаганны истә тотарга кирәк.
“Җитештерүнең экологик куркынычсызлыгы өчен” номинациясе буенча конкурста катнашуга гаризаларны Татарстан Экология һәм табигый байлыклар министрлыгы адресына 2014 елның 10 октябренә кадәр җиткерүне сорыйбыз.
Министрлыкның матбугат хезмәте