2014 елның I яртысы йомгаклары

Татарстан Экология һәм табигый байлыклар министрлыгы коллегиясенең “Татарстан Республикасы Экология һәм табигый байлыклар министрлыгының 2014 елның I яртысындагы эш йомгаклары турындагы” утырышы булып узды, анда Министр Артем Сидоров рәислек итте.
Утырышта Татарстан Министрлар Кабинеты Аппаратының Җир асты байлыкларыннан файдалану, табигый ресурслар һәм әйләнә-тирәлекне саклау мәсьәләләре бүлеге башлыгы Марат Фәсхетдинов, Татарстан Премьер-министрының нефть-газ химиясе комплексы мәсьәләләре буенча киңәшчесе Алмаз Галиев, Казан районара табигать саклау прокуратурасы прокуроры Олег Даминов, Татарстан Экология һәм табигый байлыклар министрлыгының Җәмәгать советы рәисе Андрей Калайда, Табигатьтән файдалану өлкәсендә күзәтчелек федераль службасының Татарстан идарәсе җитәкчесе Фәрит Хәйретдинов, Кулланучы хокукларын яклау һәм кеше иминлеге өлкәсендә күзәтчелек федераль службасының Татарстан идарәсе җитәкчесе Марина Патяшина, шулай ук Татарстан Экология һәм табигый байлыклар министрлыгы коллегиясе әгъзалары, Татарстан министрлыкларының, Татарстан буенча федераль башкарма хакимият органнарының җитәкчеләре, Татарстан прокуратурасы вәкилләре, ТР Экология һәм табигый байлыклар министрлыгының җәмәгать советы әгъзалары, предприятие һәм оешма вәкилләре, ТР Экология һәм табигый байлыклар министрлыгының структур тармаклары җитәкчеләре, җәмәгатьчелек һәм хәбәр чаралары вәкилләре катнашты.
Докладлар алдыннан бу чараны үткәрүдә актив ярдәм күрсәткән Татарстан предприятиеләре һәм оешмалары 2014 елгы санитар-экологик икеайлык йомгаклары буенча рәхмәт хатлары һәм мактау грамоталары белән бүләкләнде.
Төп доклад белән Татарстан экология һәм табигый байлыклар министрының беренче урынбасары Рөстәм Камалов чыгыш ясады, ул анда министрлыкның 2014 елның I яртысында әйләнә-тирәлекне саклау өлкәсендәге эшенә йомгак ясады һәм 2014 ел азагына кадәрге бурычлар турында сөйләде.
Шулай ук доклад ясадылар: Татарстан экология һәм табигый байлыклар министры урынбасары – Татарстанның баш дәүләти табигать саклау инспекторы Рәмил Низамов, Татарстан экология һәм табигый байлыклар министрының җир асты байлыкларыннан файдалану буенча урынбасары Тимур Акчурин, Татарстан экология һәм табигый байлыклар министрының инвестиция-инновация эшчәнлеге буенча урынбасары Марат Бакаев.
Министрлыкның матбугат хезмәте