ЯҢАЛЫКЛАР

31
октябрь, 2013 ел
пәнҗешәмбе
Экология министры Артем Сидоров Франция компаниясе «Degremont» вәкилләре белән очрашты

       Бүген Татарстан Экология һәм табигый байлыклар министры Артем Сидоров “Degremont” Франция компаниясенең Россия буенча директоры Бруна Луае әфәнде белән очрашты. Франция компаниясе вәкилләре Татарстанда шәһәр юынтыларын һәм явым-төшем суларын эшкәртү корылмалары кору белән кызыксынганнар иде. Тәкъдим ителә торган техник алымнар аларның инновацион технологияләр һәм техник чаралар эзләүгә юнәлтелгән үз фәнни тикшеренү һәм тәҗрибә-конструкторлык эшләренә нигезләнгән. Компания суларны мембраналы ультрафильтрлау, озонлау һәм зарарсызлау, шулай ук явым-төшемнәрне термик эшкәртү буенча махсус техник алымнар тәкъдим итә.
Экологлар күп балалары гаиләләр өчен җирләрне файдалануга яраксыз дип таныды
        Татарстан Экология һәм табигый байлыклар министрлыгы күп балалы гаиләләргә бүлеп бирү өчен билгеләнгән җир кишәрлекләрен тикшерү һәм килештерү буенча эшләр башкара. 2012 елның 1 мартыннан алып Татарстанның 43 муниципаль районында 18311 җир кишәрлеге тикшерелгән, 5525 җир кишәрлеген сайлау килештерелгән, 11184 проба, шул исәптән 10211 атмосфера һавасы пробасы, 489 кар катламы пробасы һәм 484 туфрак пробасы алынган.
«Зәңгәр күлләр» табигать тыюлыгын төзекләндерү эшләре тикшерелде
Җәмәгатьчелекне “Зәңгәр күлләр” комплекслы дәүләти табигать тыюлыгы территориясендәге яр ныгыту эшләре белән таныштыру максатыннан, Татарстан Экология һәм табигый байлыклар министрлыгы, Казанның Авиатөзүчеләр һәм Яңа Савиново районнары администрациясе белән берлектә, 147нче Кадыш авылы мәктәбе бинасында якын-тирә бистәләрдә яшәүчеләр белән очрашу үткәрде.
Татарстан Экология һәм табигый байлыклар министрлыгының Үзәк территориаль идарәсе башлыгы Илһам Сабиров, министрлыкның Экономика һәм инвестицион эшчәнлек идарәсе башлыгы Марат Бакаев очрашуда катнашучыларга башкарылган эшләр турында сөйләделәр, күлләр территориясен арытаба төзекләндерү планнарын схемада күрсәттеләр. Олы Зәңгәр күл янындагы бистәләрдә яшәүчеләр ният ителгән эшләрне уңай бәяләп, рәхмәт белдерделәр.
Татарстанда яшь биологлар турниры булып узды
Татарстанның Биектау районындагы “Учак” балалар савыктыру лагерында яшь биологлар турнирының республика этабының хәлиткеч ярышлары булып узды.Яшь биологлар турниры – биология белән кызыксынучы мәктәп балалары өчен яңа төр ярыш ул. Аны олимпиададан командалы булуы аерып тора.Чарада Казан шәһәреннән һәм Татарстанның муниципаль районнарыннан 18 команда катнашты. Яшь биологлар үз белемнәрен фәнни бәхәсләрдә күрсәттеләр.
Россия индустриягә «яшел» технологияләр иңдерү буенча ЮНИДО тәҗрибәсе белән кызыксына
Россия индустриягә “яшел” технологияләр иңдерү буенча ЮНИДО проектларын өйрәнү белән кызыксына. Бу турыда Россия Федерациясе Табигый байлыклар һәм экология министры урынбасары Ринат Гыйззәтуллин ЮНИДО генераль директоры Ли Юн белән очрашуда белдерде. Ул Россиядә ЮНИДО куәтләренә нигезләнеп һәм илдәге экологик хәлне арытаба яхшырту максатында инновацион һәм “яшел” технологияләр үзәге төзү, экологик проектларны индустриягә, кече һәм урта бизнеска иңдерү башлангычы белән чыкты.
Спорт һәм әйләнә-тирәлек буенча X Бөтендөнья конференциясе
 

Сочи шәһәрендә Халыкара Олимпия Комитетының Спорт һәм әйләнә-тирәлек буенча X бөтендөнья конференциясе башланды. Бу глобаль форум әйләнә-тирәлекне саклау белән шөгыльләнүче олимпия хәрәкәтендә катнашучыларны һәм партнерларны, шул даирәдә эш итүче башка структураларның – хөкүмәтләрнең, халыкара һәм дәүләттән тыш оешмаларның, индустриянең һәм эшлекле даирәләрнең, фәнни тикшеренү институтларының, хәбәр тарату чараларының һ.б. вәкилләрен берләштерә.
25
октябрь, 2013 ел
җомга
Экологлар тикшергәннән соң тимер-бетон эшләнмәләр чүплеген бетерүгә керештеләр
Казан шәһәренең Архангел урамында урнашкан “Стройхимсервис” предприятиесе территориясеннән 50 Камаздан артык тимер-бетон эшләнмә калдыклары чыгарылды. Бу табигать саклау законнарын бозу очрагын Татарстан Экология һәм табигый байлыклар министрлыгы инспекторлары быел сентябрьдә ачыклаганнар иде. Бүген экологлар территорияне төзекләндерүнең барышын тикшерделәр. Министрлыкның Үзәк территориаль идарәсенең махсус инспекциясе башлыгы Руслан Шакирҗановның әйтүенчә, күп эш эшләнгән, тик җирнең иясе әле территорияне төзекләндерергә, шул исәптән агачлар утыртырга тиеш.
23
октябрь, 2013 ел
чәршәмбе
Казанда социаль юнәлешле коммерциясез оешмаларның II Республика форумы уздырыла
 

Татарстан Республикасы Җәмәгать палатасы башлангычы белән, Татарстан Республикасы Президенты һәм Хөкүмәте ярдәмендә, хәзерге вакытта социаль юнәлешле коммерциясез оешмаларның II Республика форумын әзерләү эшләре бара, ул быел ноябрьнең соңгы декадасында Казанда уздырылачак.
Декабрьдә Бөтенроссия экологик яшьләр форумы уздырыла
4 декабрьдә Мәскәүдә, Әйләнә-тирәлекне яклау елының финал вакыйгасы – әйләнә-тирәлекне саклау буенча Бөтенроссия съезды кысаларында, Бөтенроссия экологик яшьләр форумы уздырыла. Чара “Крокус Экспо” халыкара күргәзмә үзәгендә узачак.
17
октябрь, 2013 ел
пәнҗешәмбе
«Нәфис Косметикс» Казан урамнарында мең агач утыртачак
Казан мэриясе, Татарстан Экология һәм табигый байлыклар министрлыгы һәм “Нәфис Косметикс” ААҖ арасында шәһәрнең төзеклеген һәм экологик торышын яхшыртуга юнәлтелгән килешүгә кул куелды. Аның буенча, “Нәфис Косметикс” быел көз көне Казанның Вахитов һәм Идел буе районнарында, “Яшел рекорд” проекты кысаларында, 1 мең эре агач утыртачак.
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International