ЯҢАЛЫКЛАР

         Бүген Татарстан Экология һәм табигый байлыклар министрлыгында министр Артем Сидоров Австриянең “VTA Austria GmbH” һәм “VTA-Татарстан” компаниясе вәкилләре белән очрашу булып узды. Анда VTAның Россия территориясендә юынты суларны чистарту белән бәйле мәсьәләләрне чишүдәге тәҗрибәсе күрсәтелде, шулай ук “Казан милли технологик тикшеренүләр университеты”ның индустриаль биотехнологияләр кафедрасы лабораториясенең бәйсез лаборатор тикшерүләре нәтиҗәләре каралды.

      Татарстан Экология һәм табигый байлыклар министрының беренче урынбасары Рөстәм Камалов һәм Министрлыкның Әйләнә-тирәлекне саклау идарәсе башлыгы Альберт Шубин Теләче районында “Кряж” ҖЧҖ – тузган шиннәрне һәм резинотехник эшләнмәләрне икенчел эшкәртү заводының эше белән таныштылар.

корреспондентский счет 30101810000000000805

      Татарстан Экология һәм табигый байлыклар министрлыгы коллективы 17 ноябрьдә авиаһәлакәттә үлүчеләрнең гаиләләренең кайгысын уртаклаша. Туганнары һәм якыннары белән бергә кайгырабыз, һәрчак хәтердә сакларбыз.

        “Эрмитаж-Казан” үзәгендә Екатеринбург рәссамы Владимир Селезневның “Метрополис” дип аталган күргәзмә-инсталляциясе уздырыла. Инсталляцияне көнкүреш чүп-чарыннан – пластик һәм пыяла шешәләрдән, катыргы тартмалардан һәм полиэтилен капчыклардан корылган композиция тәшкил итә. Көн яктысында ул чүп-чар өеме төсле, ә ут кабызылгач, прожекторлар инсталляциянең фосфоресцент состав сөртелгән өслеген яктырткач, – төнге шәһәр манзарасы барлыкка килә. Ике яктырту режимы чынбарлыкның һәм уйдырманың контрастын тасвирлый.

        2013 елның 4-7 декабрендә Санкт-Петербургта “Калдыклар рециклингы” дигән XIV Халыкара фәнни-практик конференция уздырыла. Аның максаты – региональ, муниципаль хакимият органнарына һәм эшмәкәрлек җәмгыятьләренә практик тәҗрибә һәм белешмәләр алмашу, хезмәттәшлек турында сөйләшүләр үткәрү, Россиядә һәм дөньяда калдыклар арту һәм табигать пычрану белән бәйле хәвеф һәм янауларга фәнни нигезләнгән җаваплар алу буенча ярдәм күрсәтү.

         Бүген бөтен дөньяда Халыкара энергия саклау көнен билгеләп үтәләр. Бу бәйрәмнең төп максаты – хакимиятләрнең һәм җәмәгатьчелекнең игътибарын ресурслардан рациональ файдалануга һәм энергиянең яңармалы чыганакларын куллануга җәлеп итү. Рәсми яктан бу көн 2008 елда “Ресурслар һәм энергия куллану буенча мәктәп проекты” (SPARE) башлангычы белән истәлекле ителгән иде. Энергия саклау көнен беренче тапкыр бәйрәм итүдә ул чакта 20ләп ил катнашты.

Халыкара Олимпия комитетының Сочи шәһәрендә булып узган спорт һәм әйләнә-тирәлек буенча X Бөтендөнья конференциясе эшендә олимпия хәрәкәтеннән, халыкара эшмәкәрлек җәмгыятеннән вәкилләр, экспертлар, җәмәгать һәм сәясәт эшлеклеләре, барлыгы 400дән артык кеше катнашты. Алар арасында Татарстан Экология һәм табигый байлыклар министрының беренче урынбасары Рөстәм Камалов та бар иде. Үз докладында ул түбәндәгеләрне әйтте: