Экологлар тикшергәннән соң тимер-бетон эшләнмәләр чүплеген бетерүгә керештеләр

2013 елның 25 октябре, җомга
Казан шәһәренең Архангел урамында урнашкан “Стройхимсервис” предприятиесе территориясеннән 50 Камаздан артык тимер-бетон эшләнмә калдыклары чыгарылды. Бу табигать саклау законнарын бозу очрагын Татарстан Экология һәм табигый байлыклар министрлыгы инспекторлары быел сентябрьдә ачыклаганнар иде. Бүген экологлар территорияне төзекләндерүнең барышын тикшерделәр. Министрлыкның Үзәк территориаль идарәсенең махсус инспекциясе башлыгы Руслан Шакирҗановның әйтүенчә, күп эш эшләнгән, тик җирнең иясе әле территорияне төзекләндерергә, шул исәптән агачлар утыртырга тиеш.
Шулай ук Адмиралтейство бистәсендә яшел зонага җитештерү һәм куллану калдыкларын, төзелеш чүп-чарын ташлау, контейнер мәйданы тирәсен тиешенчә карамау ачыкланды. Соңгы айда фактлар буенча административ хокук бозулар турында 18 беркетмә төзелде. Шуларның берсе – юридик затка, 8е – вазифалы затларга һәм 9ы – физик затларга.
Элегрәк инспекторлар Казансу елгасы бормасында су кимәле күтәрелүне теркәгәннәр иде. “Водоканал” предприятиесе көче белән “Көнбатыш” подстанциясе янында тимер юл астында урнашкан корылмалар чистартылды. Су кимәле ярашлы билгегә кадәр төште. Татарстан Экология һәм табигый байлыклар министрлыгы инспекторлары Казансу елгасының иске юлыннан юынтык су пробалары алдылар.
Бүген Адмиралтейство бистәсе территориясен норматив хәлгә китерү буенча Татарстан Экология һәм табигый байлыклар министрлыгы, Табигатьтән файдалану өлкәсендә күзәтчелек федераль службасының Татарстан буенча идарәсе, Кулланучы хокукларын һәм кеше иминлеген яклау өлкәсендә күзәтчелек федераль службасының Татарстан буенча идарәсе, Кадастр теркәү һәм картография федераль службасының Татарстан буенча идарәсе, Казан шәһәре Административ-техник инспекциясе хезмәткәрләренең күмәк рейды үткәрелде. Рейд барышында бистә территориясен төзекләндерү буенча уртак эш планнары һәм бурычлары билгеләнде. Якын араларда Росреестр белгечләре тарафыннан Казансу елгасы буендагы кишәрлекләрдән файдаланучылар исемлеге төзелеп, арытаба эшләү өчен Татарстан Экология һәм табигый байлыклар министрлыгына юнәлтеләчәк.
Министрлыкның матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International