Экологлар күп балалары гаиләләр өчен җирләрне файдалануга яраксыз дип таныды

         Татарстан Экология һәм табигый байлыклар министрлыгы күп балалы гаиләләргә бүлеп бирү өчен билгеләнгән җир кишәрлекләрен тикшерү һәм килештерү буенча эшләр башкара. 2012 елның 1 мартыннан алып Татарстанның 43 муниципаль районында 18311 җир кишәрлеге тикшерелгән, 5525 җир кишәрлеген сайлау килештерелгән, 11184 проба, шул исәптән 10211 атмосфера һавасы пробасы, 489 кар катламы пробасы һәм 484 туфрак пробасы алынган.
          Аналитик контроль нәтиҗәләре буенча 24 кишәрлектә пычраткыч матдәләр концентрациясенең рөхсәт чигеннән ашып китүе ачыкланган. Кабат тикшерүләрдә пычраткыч матдәләрнең (нефть продуктларының) Әлмәт шәһәре, СУ-2, Көньяк-Көнчыгыш микрорайоны территориясендәге җир кишәрлеге туфрагында рөхсәт чигеннән ашуы расланган.
          Әлеге факт буенча, Әлмәт муниципаль районы Башкарма комитеты карары белән, шул территориядә күп балалы гаиләләргә җир кишәрлекләре бүлеп бирүне туктатып торыла.
            Татарстан Экология һәм табигый байлыклар министрлыгының Көньяк-Көнчыгыш территориаль идарәсе белгечләре үткәргән экологик күзәтчелек нәтиҗәләре буенча, туфрак пычрану факты буенча материаллар, прокуратура җавабы чаралары күрү өчен, Әлмәт шәһәре прокуратурасына һәм Татарстан районара табигать саклау прокуратурасына тапшырылган.
          Әлмәт шәһәр суды Татарстан Республикасы Әлмәт шәһәре прокурорының “Төньяк-көнбатыш магистраль нефть үткәргечләре” ААҖнә карата 2015 елның 31 августына кадәр срокта кишәрлектәге нефть белән пычранган җирләрне рекультивацияләү турындагы дәгъва таләпләрен канәгатьләндергән.
           “Төньяк-көнбатыш магистраль нефть үткәргече” ААҖнең “АК “Транснефть” ААҖ һәм “АРСУ” ҖЧҖ арасында җир кишәрлеген рекультивацияләү буенча эшләр башкаруга 261 миллион 899 мең сумлык контракт төзелгән. Рекультивация буенча комплекслы эшләр: туфракны дезинфекцияләү, тимер-бетон резервуарларны чыгару, микроорганизм штаммнары белән биологик чистарту 2013 елның 27 июненнән бирле алып барыла.
           Министрлыкның матбугат хезмәте