ЯҢАЛЫКЛАР

Кичә Татарстан Экология һәм табигый байлыклар министрлыгының Үзәк территориаль идарәсенә Техник урам турысында Урта Кабан күленең пычратылуы турында белешмә керде. Шул урынга баргач, пычрату факты расланды, балыклар үлү теркәлде. Техник урамдагы “Казан синтетик каучук заводы”ның циркуляция каналыннан ни икәне билгесез булган аксыл-яшел куе сыекча агып чыга икән.

3 апрельдә Татарстан Экология һәм табигый байлыклар министрлыгында “Сыерчыклар килде” акциясе башлануга багышланган матбугат конференциясе булып узды. Ул икенче елын үткәрелә, быелгысы – Экологик культура һәм әйләнә-тирәлекне саклау елы кысаларында. Конференциядә Татарстан Экология һәм табигый байлыклар министрлыгы, Татарстан Урман хуҗалыгы министрлыгы,”Максидом” компаниясе вәкилләре катнашты.

Табигатьне сакларга башлангыч класс укучылары өнди. Өлкән буыннарга үз теләкләрен алар рәсемнәр аша тапшыралар. Татарстанда “Балалар илне сүрәтли” дигән 7нче республика телевидение конкурсы үткәрелә. Быелгы темалар Экологик культура һәм әйләнә-тирәлекне саклау елына һәм Универсиадага багышланган. Конкурсның чираттагы этабы Чистай шәһәрендә булып үтте.

Чаллыда гражданнарны кабул итү үткәрелде. Автошәһәрдә яшәүчеләрнең сорауларына Татарстан экология һәм табигый байлыклар министрының беренче урынбасары Рөстәм Камалов җавап бирде. Атап әйткәндә, медицина калдыкларын һәм битумны утильләштерү тәртибе белән кызыксынучылар булды. Мәсьәлә буенча эш алып барыла. Рөстәм Камалов шулай ук “Халык контроле” проекты турында ди искә төшерде.

3 апрельдә 11.00дә Татарстан Экология һәм табигый байлыклар министрлыгында (Павлюхин ур., 75) “Сыерчыклар килде” акциясе башлануга багышланган матбугат конференциясе була. Акция Татарстан Экология һәм табигый байлыклар министрлыгы һәм “Максидом” компаниясе ярдәмендә үткәрелә.