ЯҢАЛЫКЛАР
Бүген Казанда Татарстан нефть-газ химиясе форумы кысаларында Татарстан Республикасы Экология министрлыгы, «Казаноргсинтез» ГАҖ, А.И. Щеповских исемендәге Әйләнә-тирә мохитне саклау буенча региональ иҗтимагый фонд һәм «Кэпт Налоги и Консультирование» ҖЧҖ арасында хезмәттәшлек итү һәм үзара багланышлар турында Килешү имзаланды.
Документка Татарстан Республикасы экология һәм табигать ресурслары министры Александр Шадриков, «Казаноргсинтез» ГАҖ генераль директоры Айрат Сафин, А.И.Щеповских исемендәге Региональ иҗтимагый фонд башкарма директоры Андрей Агарков һәм «Кэпт Налоги и Консультирование» ҖЧҖ директоры Игорь Коротецкий кул куйды.
27 августта Татарстан нефть-газ химиясе форумы-2024 кырларында А.И.Щеповских исемендәге «Сәнәгать экологиясе һәм куркынычсызлык» бөтенроссия фәнни-гамәли конференциясе узачак. Чара Казан ЭКСПО күргәзмә мәйданчыгында узачак.
17-23 август көннәрендә, станциядән алынган мәгълүматларга караганда, АСКЗА-1 станциясендә (Осиново авылы, Зеленодольск м.р.) күкерт водороды буенча рөхсәт ителә торган иң чик концентрацияләрнең артуы теркәлгән.
Зур матбугат конференциясе кысаларында экология министры Александр Шадриков журналистларга лачын-балобан балалары популяциясен торгызу буенча проектның нинди стадиядә булуы турында җентекләбрәк сөйләде. Июнь азагында Кама Тамагына китерелгән лачын балалары кыргый табигатькә чыгарылган инде.
Елгаларның һәм сулыкларның экологик торышын яхшырту, Түбән Кама сәнәгать узелы зонасында экологик иминлекне тәэмин итү мәсьәләләре, «Идел киңлекләре» МСТТ төзү. Бу ТР Экология министрлыгы тарафыннан республиканың фәнни җәмәгатьчелеге белән тыгыз бәйләнештә гамәлгә ашырыла торган проектларның һәм юнәлешләрнең бер өлеше генә.
Татарстанда «Экология» илкүләм проектын гамәлгә ашыруга багышланган зур матбугат туры кысаларында төбәк һәм федераль массакүләм мәгълүмат чаралары журналистлары Экология министрлыгының «Фламинго» фәнни-тикшеренү судносында экскурсиягә киттеләр. Бу фәнни станция су өслеген реаль вакыт режимында тикшерә ала һәм иң куәтле елга йөзмә лабораториясенә ия. Россиядә хәзер фәнни-тикшеренү эшчәнлеге белән шөгыльләнүче 5 шундый судно гына.
Татарстанда «Экология» илкүләм проектына ярдәм йөзеннән «Ирекле агым» экологик проекты кысаларында Казансу елгасын өемнәрдән арындыру эшләре төгәлләнде.
«Экологик иминлек» яңа илкүләм проектының «Россия суы» федераль проектына Татарстан Республикасыннан ике чараны кертү килештерелгән. Бу хакта матбугат конференциясе кысаларында экология министры Александр Шадриков хәбәр итте. Бу – Чаллы шәһәрендәге Мәләкәс һәм Казан шәһәрендәге кушылдыклары белән Нокса елгалары үзәннәрен чистарту.
«Экология» илкүләм проекты ахырына якынлаша. Әмма әйләнә-тирә мохиткә тискәре йогынтыны киметү буенча эш моның белән генә туктатылмаячак. Россия Федерациясе Президенты Владимир Путин карары буенча «Экологик иминлек» яңа илкүләм проектын эшләтеп җибәрү инициативасы куелды, ул алдагысының мантыйкый дәвамы булачак.
Бүген Казанда табигатьне саклау ведомствосы башлыгы Александр Шадриков һәм Татарстан Республикасы Дәүләт Советының Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев катнашында экология темасына зур матбугат конференциясе узды.