17 чистарту корылмасын реконструкцияләргә һәм 29 су объектын сәламәтләндерергә. Александр Шадриков «Россия суы» кысаларында планлаштырыла торган чаралар турында
«Экологик иминлек» яңа илкүләм проектының «Россия суы» федераль проектына Татарстан Республикасыннан ике чараны кертү килештерелгән. Бу хакта матбугат конференциясе кысаларында экология министры Александр Шадриков хәбәр итте. Бу – Чаллы шәһәрендәге Мәләкәс һәм Казан шәһәрендәге кушылдыклары белән Нокса елгалары үзәннәрен чистарту.
«Мәләкәс елгасын чистартуны без 2 этапка бүлдек: беренчесе – терәккә кадәр 1,5 км –федераль милек булып санала; терәктән соң – бу инде субъектның йөкләмәсе, – дип аңлатты табигатьне саклау ведомствосы башлыгы. – «Уникаль су объектларын саклап калу» кысаларында булган терәккә кадәрге участокны «Центррегионводхоз» үз программасы кысаларында гамәлгә ашырды. Хәзер «Россия суы» проектына инде 3,1 км озынлыктагы икенче этап керде».
Яңа федпроект кысаларында икенче объект Нокса елгасы булачак. «Бүгенге көндә проектлау, экспертиза алу – барысы да инде оештырылган. Әйләнә-тирә мохиткә тискәре йогынты чаралары исәбенә Казан шәһәре башкарма комитеты тарафыннан проект-смета документлары әзерләнде. Без әлеге юнәлешкә акча бүлеп бирүне килештердек, елганы һәм аның кушылдыкларын чистарту буенча гомуми озынлыгы 27,9 км булган проектның бәясе 700 млн.сумнан артык тәшкил итәчәк. Без аны финанслау кысаларында этапларны ябу өчен этаплар белән бүлештек һәм, димәк, проект гамәлгә ашырылганрак булсын өчен», – дип билгеләде Александр Шадриков.
Проектны әзерләү кысаларында Татарстан Республикасыннан шулай ук яңа проектка кертү өчен тәкъдим ителә торган чаралар исемлеге төзеп җибәрелгән: 18,3 млрд.сумлык 17 чистарту корылмасы һәм яңгыр канализациясе төзү (реконструкцияләү) һәм 4,4 млрд.сумлык 29 су объектын экологик савыктыру.