А.И.Щеповских исемендәге фәнни-гамәли конференция чикләрен киңәйтә. Теләге булган һәркем өчен онлайн-трансляция булачак
27 августта Татарстан нефть-газ химиясе форумы-2024 кырларында А.И.Щеповских исемендәге «Сәнәгать экологиясе һәм куркынычсызлык» бөтенроссия фәнни-гамәли конференциясе узачак. Чара Казан ЭКСПО күргәзмә мәйданчыгында узачак.
Алда торган конференция 3 тематик түгәрәк өстәлгә бүленәчәк, анда катнашучылар климат үзгәрешләре, су объектларының торышын яхшыртуга юнәлдерелгән проектларны гамәлгә ашыру һәм нефть чыгаручы районнарда шәһәр төзелеше эшчәнлеген гамәлгә ашырганда экологик һәм сәнәгать иминлеген тәэмин итү мәсьәләләре турында фикер алышачаклар.
Фәнни фикер алышуларда региональ хакимият органнары җитәкчеләре һәм белгечләре, фәнни-тикшеренү һәм проект оешмалары, эре предприятиеләр һәм компанияләр, шул исәптән халыкара компанияләр катнашачак.
Шәхсән катнаша алмаган барлык теләүчеләр өчен сессияләрне онлайн трансляцияләү оештырылган.
«Климат үзгәреше: сәнәгать һәм фән» - https://rutube.ru/video/f398173d0fa50e6c861f75569f637a2c/ (башлана 10:00 сәг.)
«Татарстан Республикасы су объектларының экологик торышын яхшыртуга юнәлдерелгән проектларны эшләү һәм гамәлгә ашыру» - https://rutube.ru/video/bfacac368176cf9b8803797e5864c8fc/ (башлана 14:00 сәг.).