ЯҢАЛЫКЛАР
ТР Экология һәм табигать ресурслары министрлыгының Идел-Кама территориаль идарәсе инспекторлары тарафыннан Балык Бистәсе районында рөхсәтсез калдыклар урнаштыру турында алынган мәгълүмат буенча урынга чыгу гамәлгә ашырылган. Территорияне тикшерү барышында табигатьне саклау законнарын бозу очрагы ачыкланган. Чүпләнгән кишәрлекнең мәйданы 200 кв. метр тәшкил итә.
Бүген, Республика көне алдыннан, табигать саклау ведомстволары хезмәткәрләре һәм иҗтимагый оешмалар вәкилләре Казан шәһәренең Займище поселогы янында Идел елгасы ярында чисталык һәм тәртип урнаштырдылар. «Чиста җәй» арт-өмәсенә ТР Экология министрлыгы, Росприроднадзорның Идел-Кама төбәкара идарәсе, ТР Биологик ресурслар буенча дәүләт комитеты белгечләре, Зеленодольск районының Октябрьский авыл җирлеге башкарма комитеты вәкилләре һәм иҗтимагый оешмалар, шул исәптән Бөтенроссия табигатьне саклау җәмгыяте дә кушылды.
Нурлатның «Пчелка» балалар бакчасында өлкән һәм урта төркем балалары өчен ТР Экология министрлыгының Көньяк-Көнчыгыш территориаль идарәсе инспекторлары «Планетаны бергә саклыйк» дигән темага экологик дәрес үткәрделәр.
«Казаноргсинтез» ГАҖдә поликарбонат җитештерү өчен изопропилбензол - чимал синтезлау җайланмасын модернизацияләү тәмамланган. Җайланманы рәсми рәвештә эшләтеп җибәрү тантанасында Татарстан экология министры Александр Шадриков, СИБУР Директорлар советы рәисе Леонид Михельсон, СИБУР генераль директоры Михаил Карисалов һәм «Казаноргсинтез» ГАҖ генераль директоры Айрат Сафин катнашты.
Әгерҗе районы территориясен тикшерү барышында ТР Экология министрлыгының Кама яны территориаль идарәсе инспекторлары Кучук авыл җирлегендә рөхсәтсез калдыклар җыюны ачыклаганнар. Чүпләнгән территориянең мәйданы 6160 кв.м тәшкил итә, чүплекнең күләме – 100 куб.м.
1 сентябрьдә «Казан Экспо» халыкара күргәзмәләр үзәгендә Татарстан нефть-газ химиясе форумы – 2023 кысаларында А.И.Щеповских исемендәге «Сәнәгый экология һәм куркынычсызлык» XVIII Бөтенроссия фәнни-гамәли конференциясе узачак. Аны ТР Экология һәм табигать ресурслары министрлыгы оештыра. Чарада табигать саклау ведомстволары хезмәткәрләре, фән эшлеклеләре, «Татнефть» ГАҖ, «СИБУР» ҖЧҖ, «Алабуга» СҖТ МИЗ, «ТАИФ-НК» ААҖ, «МТС» ГАҖ, «Мегафон» ГАҖ һәм башкалар катнашачак.
Чирмешән районы территориясен тикшерү барышында ТР Экология министрлыгының Көньяк-Көнчыгыш территориаль идарәсе инспекторлары Шешминка авыл җирлегендә известьташ өемнәренең рөхсәтсез урнаштырылуын ачыклаганнар. Чүпләнгән участокның мәйданы – 2000 кв.м, күләме 5000 куб.м тәшкил итә.
Түбән Камада Россия Гадәттән тыш хәлләр министрлыгының Татарстан Республикасы буенча Баш идарәсе җитәкчелегендә Түбән Кама ҖЭҮ (ПТК) «ТГК-16» АҖ филиалының аккан мазутны бетерү буенча гамәлләргә әзерлеген раслау буенча комплекслы өйрәнүләр узды.
18-25 август көннәрендә «Салават Күпере» микрорайонында И.Шакиров урамында урнашкан АСКЗА-5 станциясендә 2,5 ПДК максималь тапкырлыгы белән күкерт водороды буенча чик дәрәҗәдә рөхсәт ителгән матдәләр артып китүнең 10 очрагы ачыкланган. Бер атна элек, 11-18 август көннәрендә, күкерт водороды буенча 72, углерод оксиды буенча артып китүләрнең 5 очрагы ачыкланган булган.
Татарстан Республикасы Экология министрлыгының Кама яны территориаль идарәсе инспекторлары Мамадыш районы территориясен тикшерү барышында рөхсәтсез калдыклар җыю урынын ачыкладылар. Хокук бозу Красная Горка авыл җирлегендә ачыкланган. Чүпләнгән территориянең мәйданы 144,6 кв. метр тәшкил итә. Чүплекнең күләме – 115,6 куб. м.