ЯҢАЛЫКЛАР
Төньяк территориаль идарә белгечләре Арча районының 2 нче номерлы балалар бакчасында тәрбияләнүчеләргә чүпне ничек дөрес итеп аерырга кирәклеге турында аңлатты. Балалар «Батарейкалар, бирелегез!» һәм «Яхшы капкачлар» кебек экология акцияләрендә катнашулары турында сөйләде.
Казанның 91 нче номерлы һәм Питрәчнең 2 нче номерлы балалар бакчаларында тәрбияләнүчеләр, әти-әниләре белән бергә, кошлар өчен 20 дән артык оя ясады.
Чаллының Экология үзәгендә гомуми белем бирү учреждениеләре директорлары һәм педагоглары, ТР Экология һәм табигать ресурслары министрлыгының Кама буе территориаль идарәсе экологлары белән берлектә, «Мәктәп яшендәге балаларга экологик белем һәм тәрбия бирү: проблемалар, инновацияләр, перспективалар» дигән темага семинар үткәрде.
Азнакай гимназиясендә экология үзәкләре белән тәҗрибә уртаклашу буенча беренче семинар булып узды.
Чаллы «Чиста уеннар»ны үзенчәлекле итеп, ягъни плоггинг форматында уздырырга уйлаган. Катнашучылар ачык һавада йөгерү белән бергә чүп җыйган, пластикның күп булуы ачыкланган.
ТР Экология һәм табигать ресурслары министрлыгының Кама Аръягы территориаль идарәсе вәкилләре белән бергә 200 активист 110 капчык чүп җыйган, болар исәбенә 27 капчык пластик һәм 23 капчык пыяла да керә.
Конференцияне ачу тантанасында катнашучыларны Табигатьтән файдалану өлкәсендәге күзәтчелек буенча федераль хезмәтнең Идел-Кама төбәкара идарәсе җитәкчесе Фаяз Шакиров, Балтач районының «Мәгариф идарәсе» муниципаль казна учреждениесе җитәкчесе Ренат Мөхәрләмов һәм Экология һәм табигать ресурслары министрлыгының Төньяк территориаль идарәсе җитәкчесе Ленар Касыймов сәламләде.
Министрлыкның барлык территориаль идарә инспекторлары балаларга «Безнең уртак йортыбыз көне» дип аталган, әлеге датага багышланган дәресләр уздыру өчен мәктәпләргә килде.
Татарстан Республикасы Экология һәм табигать ресурслары министрлыгының Идел Аръягы территориаль идарәсе белгечләре, санитария-экология икеайлыгы кысаларында, махсус Экологик белем көненә багышлап, лицей-интернатның беренче сыйныф укучылары һәм Буа шәһәренең аерым фәннәрне тирәнтен өйрәнү мәктәбенең 4 сыйныф укучылары өчен дәрес үткәрде.
Бу бәйрәмнең тарихы 1992 елга барып тоташа. Әйләнә-тирә мохиткә бәйле мәсьәләләр күтәрелгән БМО конференциясендә экологик белемнең кешелек үсеше өчен гаять зур әһәмияткә ия булуы ассызыклана.