ЯҢАЛЫКЛАР
Әлмәт шәһәренең Урсала микрорайонында билгесез кешеләр зур төзелеш калдыкларыннан чүплек оештырган. Әлеге чүплекне Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары, гражданнар мөрәҗәгатьләрен карау кысаларында ачыклаган.
Ведомствоара эшче төркемнең чираттагы утырышында Идел-Кама каскады сусаклагычларының эш режимнарын җайга салу турында фикер алыштылар.
2020 елның 23 нче апреленнән 5 нче маена кадәр мәктәпкәчә яшьтәге балалар һәм укучылар рәсем конкурсында катнашырга чакырыла. Тәкъдим ителгән эшләр Бөек Ватан сугышында Җиңү көне, Татарстан АССР төзелүнең 100 еллыгы тематикасын табигать мохитенә бәйләп чагылдырырга тиеш.
Зеленыйтатарстан.рф порталы буенча икенче «Эко-талант» онлайн-конкурсында җиңүчеләр билгеле булган.
Россия Федерациясендә барлыкка килгән санитар-эпидемиологик вәзгыятькә бәйле рәвештә, Татарстан Республикасы гомуми белем бирү оешмалары арасында «Duracell белән батарейка тапшыр» дип аталган батарейка җыю акциясенең икенче этабы 2020 елның көзенә күчерелә.
Вакытны әйләнә-тирәлек өчен дә, үзең өчен дә файдалы итеп үткәреп җибәрергә. ТР Экология һәм табигать ресурслары министрлыгы пандемия шартларында әнә шундый максат куйган иде, һәм бу ният инде тормышка ашырылды. «Татармультфильм» иҗат берләшмәсе, «Чиста булачак» яшьләр экологик хәрәкәте, Рус география җәмгыятенең төбәк бүлекчәсе, ТР Яшь натуралистлар хәрәкәте белән берлектә, гражданнарны, бигрәк тә яшь буынны, экологик агарту эшчәнлегенә җәлеп итү өчен шартлар тудырылды.
Киров районында Автосервис урамында чүплек хасил булган. ТР Экология һәм табигать ресурслары министрлыгына битараф булмаган гражданнардан әнә шундый хәбәр килде. Әлеге урынны тикшерү барышында ТР Экология министрлыгының Үзәк территориаль идарәсе инспекторлары биналарны сүтүдән һәм җимерүдән барлыкка килгән төзелеш калдыкларын ачыклаган.
«Online чирек» кысаларында өченче экологик сишәмбе килеп җитте, ул «Эко-эшләнмә» дигән яңа конкурсны башлап җибәрде. Әлеге бәйге Татар Автономияле Совет Социалистик Республикасы төзелүнең 100 еллыгына һәм Бөек Ватан сугышында Җиңүнең 75 еллыгына багышлана, шуңа күрә эшләнмә тематикалы булырга тиеш.
Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсенә гражданнардан Лениногорск шәһәрендә рөхсәтсез чүплек булуы турында мөрәҗәгать килде. Инспекторлар әлеге урынга барып кайтты.
Республикада булган санитар-эпидемиологик хәлгә карамастан, табигать саклау хезмәтләре, профильле министрлыклар һәм ведомстволар, республиканың барлык муниципаль берәмлекләре башкарма комитетлары гражданнарның экологик куркынычсызлыгын тәэмин итүне дәвам иттерә.