ЯҢАЛЫКЛАР
Ел саен 6 октябрьдә бөтен дөньяда Бөтендөнья тереклек тирәлеген саклау көне билгеләп үтелә. 1979 елда Берлин конвенциясе кысаларында оештырылган халыкара бәйрәм кешелекнең игътибарын Җир планетасы фаунасының тереклек тирәлеген саклау проблемасына җәлеп итүгә юнәлдерелгән.
ТР Экология картасына Казан шәһәрендә өч яңа законсыз чүплек турында белешмә кертелде. Татарстан Республикасы Экология һәм табигать ресурслары министрлыгының Үзәк территориаль идарәсе инспекторлары Һади Такташ, Чехов, Достоевский урамнары буйлап чүп-чар ташлау урыннарын ачыклады.
Татарстанда «Чиста ил» федераль проекты кысаларында рекультивацияләнә торган беренче объектта эшләр тәмамланып килә. Исегезгә төшерәбез, нефть белән пычранган җирләр Саба районының Шәмәрдән авылында урнашкан. Торгызу эшләре 2020 елның июнендә башланган иде.
Ел башыннан бирле республиканың иҗтимагый экологик кабул итү системасына 6280 мөрәҗәгать кергән.
Шуларның 2543 – «Мәктәп экопатруле» мобиль кушымтасы аша.
Түбән Кама районының элеккеге «Чайка» бакчачылык ширкәтләре территориясен резин капламнар һәм җитештерү калдыклары белән чүпләгәннәр. Фотоматериаллар Кама аръягы территориаль идарәсе инспекторлары тарафыннан «ВКонтакте» социаль челтәрендә ачыкланган. Урынга чыгып, экологлар табигать саклау законнары бозылуын раслаган. Чүплекләрнең гомуми мәйданы – 160 кв. метр, күләме – 80 куб. метр.
Казан шәһәренең Вахитов районындагы 24 нче балалар бакчасы территориясендә Бөек Ватан сугышыны кырларыннан кайтмаган сугышчылар истәлегенә нәни экологларның «Яшел утраучыгы» барлыкка килде. Чара «Эколята-Дошколята» табигать саклау социаль-мәгариф проекты кысаларында һәм Бөек Җиңүнең 75 еллыгы кысаларында, ТР Экология һәм табигать ресурслары министрлыгы катнашында үткәрелде.
#ВместеЯрче дигән Энергияне сак тоту һәм экология россиякүләм фестиваленә булышлык күрсәтеп уздырылган социаль кампания кысаларында Әлмәт шәһәренең 7нче урта мәктәбендә һәм Буа шәһәренең М.М. Вахитов исемендәге гимназиясендә «Экология һәм энергия саклау» темасына экологик дәресләр үткәрелгән.
Очкыч ярдәмендә күзәтү вакытында Әлмәт районы территориясендәге «Татарстан-Металл Маркет» ТҖК ҖЧҖ эшчәнлегендә калдыклар белән эш иткәндә хокук бозу очраклары ачыкланган. Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары металл ватыкларын кабул итү пунктын тикшергән.
Халыкара өлкәннәр көнендә ТР Экология һәм табигать ресурслары министрлыгы хезмәткәрләре ветераннарны котлый, өлкән буын хезмәттәшләрен хөрмәтли. Шунысын да билгеләп үтәргә кирәк, аларның кайберләре әле дә әйләнә-тирә мохитне саклау эшенә үзеннән актив өлеш кертә.
Чаллыда газ чистарту җайланмасының төзек булмавы авария хәленә китергән. ТР Экология һәм табигать ресурслары министрлыгының Кама буе территориаль идарәсе инспекторлары ачыклаганча, сасы иснең сәбәпчесе – төзелеш эшләнмәләре җитештерү белән шөгыльләнүче БСИ сәнәгать зонасы предприятиеләренең берсе.