Татарстан Республикасы Министрлыклары Татарстан Республикасы Экология һәм табигать ресурслары министрлыгы

ЯҢАЛЫКЛАР

декабрь, 2013 ел

дүшәмбе

“ТехИнжинирингГруп” компаниясе вәкилләре белән очрашу

Татарстан Экология һәм табигый байлыклар министры Артем Сидоров пластмасса эшкәртү, индустриаль һәм көнкүреш чүп-чары эшкәртү һәм утильләштерү линияләрен проектлау һәм кору буенча инженерлык-консультация хезмәтләре күрсәтүче “ТехИнжинирингГруп” ҖЧҖ компаниясе вәкилләре белән очрашты. Аның барышында Татарстанда индустриаль һәм көнкүреш калдыкларын эшкәртү буенча инновацион технологияләр иңдерү мөмкинлеге тикшерелде.

Иҗтимагый советның йомгаклау утырышы

27 декабрьдә Татарстан Экология һәм табигый байлыклар министрлыгы каршындагы Иҗтимагый советның йомгаклау утырышы булып узды. Анда Министр Артем Сидоров министрлыкның эш йомгаклары турында сөйләде. Шулай ук Иҗтимагый советның 2013 елгы эш йомгаклары турында доклад тыңланды, 2014 елга тәкъдимнәр әйтелде.
Советның чираттагы утырышы 2014 елның январена ниятләнгән.

Министрлыкның матбугат хезмәте

декабрь, 2013 ел

чәршәмбе

Мәскәүдә Бөтенроссия байдаркада һәм каноэда ишү федерациясе конференциясе бара

Бүген Татарстан Экология һәм табигый байлыклар министры Бөтенроссия байдаркада һәм каноэда ишү федерациясенең Мәскәүдә узучы хисап конференциясендә катнаша. Исегезгә төшерәбез: 2013 елның октябрендә Артем Сидоров Татарстан Республикасы Байдаркада һәм каноэда ишү федерациясенең президенты итеп сайланган иде. Конференциянең көн тәртибендә 12 мәсьәлә, шулар арасында Федерация президентының 2012-2013 еллар өчен хисабы һәм 2014-2016 елларда байдаркада һәм каноэда ишү спортын үстерү программасының төп кагыйдәләрен тикшерү дә бар.

декабрь, 2013 ел

сишәмбе

Татарстан Министрлар Кабинетында экология елына йомгак ясалды

Бүген Татарстан Министрлар Кабинетында Экология һәм табигый байлыклар министрлыгының 2013 елгы эшчәнлегенә, Татарстанның Экологик культура һәм әйләнә-тирәлекне саклау елы йомгакларына багышланган брифинг булып узды. Анда Татарстан Экология һәм табигый байлыклар министры Артем Сидоров журналистларның сорауларына җавап бирде.

Министрның әйтүенчә, узып барган 2013 ел экологлар өчен генә түгел, барлык Россия ватандашлары өчен дә тамгалы булган. Бу ел Россия Федерациясе тарихында беренче тапкыр буларак Әйләнә-тирәлекне саклау елы дип игълан ителгән. Татарстанда исә бу ел экологик культура һәм әйләнә-тирәлекне саклау шигаре астында узган, аеруча игътибар халыкка экологик аң-белем бирүгә юнәлтелгән.

декабрь, 2013 ел

шимбә

Экологлар, МЧС белән бергә, Казансу елга буен тикшерү рейды үткәрде

Бүген Татарстан Экология һәм табигый байлыклар министрлыгы инспекторлары, Россия Федерация Гадәттән тыш хәлләр министрлыгының Татарстан буенча идарәсе, “Шәһәр төзекләндерү” муниципаль идарәсе белгечләре белән бергә, Казансу елга буен рөхсәтсез юынты сулар агызылу һәм яр буе территориясенең чүпләнүе буенча тикшерү рейды үткәрделәр. Чара су объектларын куллану һәм саклау өлкәсендә региональ күзәтчелек кысаларында үткәрелде.

декабрь, 2013 ел

җомга

Әйләнә-тирәлекне саклау дәресе – ике телдә

Казан шәһәренең 82нче мәктәбе укучыларына бүген экология проблемалары турында рус һәм инглиз телләрендә сөйләделәр. “Чисталык дәресе” экологик агарту акциясен Татарстан Экология һәм табигый байлыклар министры урынбасары – Татарстанның Табигать саклау буенча баш дәүләт инспекторы Рәмил Низамов үткәрде. Республиканың Экологик культура һәм әйләнә-тирәлекне саклау елына йомгак ясап, ул “Яшел рекорд”, “Сулыкларны чистарту көне”, “Яшел Россия” экологик акцияләрен искә алды (аларда 82нче мәктәп укучылары һәм педагоглары да актив катнашкан иде). Укучыларга дәрестә республика яшьләренең “Саф караш” ачык социаль-экологик реклама конкурсында катнашучыларның эшләре дә күрсәтелде.

декабрь, 2013 ел

пәнҗешәмбе

Арча шәһәренең «Жилкомбытсервис» ҖЧҖ җитәкчесенә экологик таләпләрне үтәмәгән өчен беркетмә төзелде

2013 елның 10 декабрендә Татарстан Экология һәм табигый байлыклар министрлыгының Төньяк территориаль идарәсенә Арча шәһәре каты көнкүреш калдыклары полигоны территориясендә төтен чыгу турында хәбәр килде. Шунда барган идарә инспекторлары полигонда калдыкларның үзлегеннән янып китүен ачыкладылар.

Әлеге факт буенча “Шәһәр төзү эшчәнлеген башкарганда һәм предприятиеләрдән, корылмалардан һәм башка объектлардан файдаланганда экологик таләпләрне үтәмәү турындагы” Россия Федерациясе КоАП 8.1 статьясы буенча “Җилкомбытсервис” ҖЧҖ җитәкчесенә карата беркетмә төзелде.

«Чисталык дәресе»

2013 елның 20 декабрендә Татарстанның гомум белем бирү оешмаларында “Чисталык дәресе” экологик агарту акциясе үткәрелә.

Быел “Чисталык дәресе” дүртенче тапкыр үткәрелә, Татарстанның Экологик культура һәм әйләнә-тирәлекне саклау елына багышлана.

Дәресләрне Татарстан Экология һәм табигый байлыклар министрлыгы хезмәткәрләре, табигать саклау оешмалары вәкилләре үткәрәчәк.

декабрь, 2013 ел

чәршәмбе

«Экология һәм азык-төлек куркынычсызлыгы»

Бүген Татарстан Экология һәм табигый байлыклар министрлыгында “Экология һәм азык-төлек куркынычсызлыгы” мәйданчыгының “Куркынычсызлык” секциясе эшләде. Чара 2013 елгы Республика яшьләр форумы кысаларында узды. Министрның беренче урынбасары Рөстәм Камалов рәислегендә узган утырышта 2013 елгы Республика яшьләр форумының “Куркынычсызлык” секциясе җитәкчесе, Татарстан буенча юл хәрәкәте куркынычсызлыгы баш дәүләт инспекторы Рифкать Миңнеханов, “Яшәү куркынычсызлыгы фәнни үзәге” директоры Роза Әхмәдиева, 2013 елгы Республика яшьләр форумы экспертлары, “Куркынычсызлык” секциясенең “Экология һәм азык-төлек куркынычсызлыгы” юнәлешендәге проектлары авторлары катнашты.

Дәүләт Советының Экология, табигатьтән файдалану һәм аграр мәсьәләләр комитеты утырышы

Татарстан Республикасы Дәүләт Советында Экология, табигатьтән файдалану һәм аграр мәсьәләләр комитеты утырышы булып узды. Карауга берничә мәсьәлә, аерым алганда Татарстанда чиста су һәм чишмәләрнең торышы, шул исәптән аларга җитештерү һәм куллану калдыкларының йогынтысы мәсьәләсе чыгарылды. Шулай ук Комитетның 2014 елга эш планнары билгеләнде. Татарстан Экология һәм табигый байлыклар министрлыгының бу юнәлештәге эшләре турында министр урынбасары – Татарстанның табигать саклау буенча баш дәүләт инспекторы Рәмил Низамов сөйләде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ