Дәүләт Советының Экология, табигатьтән файдалану һәм аграр мәсьәләләр комитеты утырышы

2013 елның 18 декабре, чәршәмбе
Татарстан Республикасы Дәүләт Советында Экология, табигатьтән файдалану һәм аграр мәсьәләләр комитеты утырышы булып узды. Карауга берничә мәсьәлә, аерым алганда Татарстанда чиста су һәм чишмәләрнең торышы, шул исәптән аларга җитештерү һәм куллану калдыкларының йогынтысы мәсьәләсе чыгарылды. Шулай ук Комитетның 2014 елга эш планнары билгеләнде. Татарстан Экология һәм табигый байлыклар министрлыгының бу юнәлештәге эшләре турында министр урынбасары – Татарстанның табигать саклау буенча баш дәүләт инспекторы Рәмил Низамов сөйләде.
Докладта әйтелгәнчә, су объектларының торышына экологик күзәтчелек Министрлыкның өстенлекле эш юнәлеше булып тора. Республиканың 103 өске су объектында урнашкан 210 пунктта гидрохимик күрсәткечләр күзәтеп барыла. Расланган план-графикларга ярашлы рәвештә судагы пычраткыч матдәләр күләме системалы контрольдә тотыла.
2013 елда табигый һәм юынты сулардан 1491 проба алынган, 26570 химик һәм 2061 токсикологик анализ ясалган. Токсикологик тикшерүләр табигый суларның күпмедер яхшыруын күрсәткән (стандарт булмаган пробалар 6%, ә 2012 елда 8% булган), шул ук вакытта химик тикшерүләр су объектларының чагыштырмача тотрыклы торуын күрсәткән.
Министрлыкның матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International