«Экология һәм азык-төлек куркынычсызлыгы»

2013 елның 18 декабре, чәршәмбе
Бүген Татарстан Экология һәм табигый байлыклар министрлыгында “Экология һәм азык-төлек куркынычсызлыгы” мәйданчыгының “Куркынычсызлык” секциясе эшләде. Чара 2013 елгы Республика яшьләр форумы кысаларында узды. Министрның беренче урынбасары Рөстәм Камалов рәислегендә узган утырышта 2013 елгы Республика яшьләр форумының “Куркынычсызлык” секциясе җитәкчесе, Татарстан буенча юл хәрәкәте куркынычсызлыгы баш дәүләт инспекторы Рифкать Миңнеханов, “Яшәү куркынычсызлыгы фәнни үзәге” директоры Роза Әхмәдиева, 2013 елгы Республика яшьләр форумы экспертлары, “Куркынычсызлык” секциясенең “Экология һәм азык-төлек куркынычсызлыгы” юнәлешендәге проектлары авторлары катнашты.
“Экологик куркынычсызлык”, “Экологик проблемаларны чишү һәм Татарстан Республикасы халкында экологик культура формалаштыру өлкәсендәге проектлар” юнәлешләре буенча 39 гариза каралды. ТР Фәннәр Академиясенең Экология һәм җир асты байлыкларыннан файдалану институты директорының экология өлкәсендәге фәнни эшчәнлек буенча урынбасары, биохимия лабораториясе мөдире Дмитрий Иванов, Татарстан Экология һәм табигый байлыклар министрлыгының экологик агарту һәм җәмәгать оешмалары белән бәйләнешләр бүлегенең башкаручы киңәшчеләре Елена Гыйльмеҗанова һәм Ольга Дылевская катнашындагы экспертиза комиссиясе карары белән, яклауга иң яхшы 5 эш чыгарылды. Шундый темалар аерып алынды:
– Идел-Кама дәүләт тыюлыгының Раиф участогы территориясендә экологик хәвефләрне минимальләштерү;
– 2013 елгы Универсиаданы үткәргәннән соң Татарстан халкының экологик культурасын формалаштыру: яңа таләпләр һәм мөмкинлекләр;
– Шәһәрләрдә яшеллек утыртуның программалар комплексы һәм оптимальләштерү, планлаштыру һәм утырту методикасы;
– Казан шәһәренең эре автомагистральләре буенда һава пычрануга мобиль мониторинг системасы;
– Экологик куркынычсыз продукцияне ирекле сертификатлау системасы.
25 декабрьдә 14.00дә Татарстан Республикасы буенча МВД ГИБДД идарәсендә ярымфинал үткәрелә, анда 2014 елның февралендә узачак, Татарстан Президенты да катнашачак финал өчен проектлар сайлап алына.
Министрлыкның матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International