Татарстан Республикасы Министрлыклары Татарстан Республикасы Экология һәм табигать ресурслары министрлыгы

ЯҢАЛЫКЛАР

июнь, 2013 ел

чәршәмбе

Бүген Балык Бистәсендә, Куйбышев сусаклагычының уң ягында яр ныгыту корылмасын ачу тантанасы үткәрелде. Район халкын Татарстан Экология һәм табигый байлыклар министры Артем Сидоров сәламләде. Үз чыгышында ул, ярларны ныгыту Татарстан өчен кискен мәсьәлә булып тора, дип белдерде. – Чөнки республикабыз Россия Федерациясенең Идел-Кама бассейнында урнашкан иң күп сулы субъекты булып тора, бездә су өслекләре тулай мәйданның 7% чамасын били.

июнь, 2013 ел

дүшәмбе

Россиянең тугыз регионы Идел турында Декларациягә кул куйды

Кул кую церемониясе шушы көннәрдә Ульяновск өлкәсендә уза торган III Идел буе экология атнасы кысаларында булып узды.

Документка территорияләре Идел бассейны зонасында урнашкан 9 Россия Федерациясе субъекты: Татарстан, Чуашстан, Калмыкстан республикалары, Әстерхан, Иваново, Самара, Сарытау, Тверь һәм Ульяновск өлкәләре кул куйды.

июнь, 2013 ел

якшәмбе

Казансу елгасы чүп-чардан чистартылды

2 июньдә, Экологик культура һәм әйләнә-тирәлекне саклау елы кысаларында, Түбән Аръяк пляжында Татарстан Экология һәм табигый байлыклар министрлыгының, Татарстан су асты спорты федерациясенең һәм Рус Географик Җәмгыятенең региональ бүлекчәсенең “Сулыкларны чистарту көне” уртак традицион табигать саклау акциясе булып узды.

май, 2013 ел

җомга

Бөтенроссия сулыкларны чистарту көне

Экологик культура һәм әйләнә-тирәлекне саклау елы кысаларында 2 июньдә сәгать 10да Түбән Аръяк пляжында “Сулыкларны чистарту көне”нә багышланган традицион экологик акция үткәрелә. Чараны оештыручылар – Татарстан Экология һәм табигый байлыклар министрлыгы, “Татарстан су асты спорты федерациясе” региональ җәмәгать оешмасы һәм Рус География Җәмгыятенең Татарстандагы региональ бүлекчәсе. Акция барышында Казансу елгасының төбен һәм яр буе зонасын калдыклардан чистарту һәм ярларын тәртипкә китерү күздә тотыла.

Казанның бакча һәм парклары

Татарстанның Экологик культура һәм әйләнә-тирәлекне саклау елы һәм традиция буенча 24 майда үткәрелә торган Европа парклар көне кысаларында, Татарстан Милли музееның Кышкы бакчасында “Казанның бакча һәм парклары” каталогын тәкъдим итү булып узды. Чарада Татарстан Экология һәм табигый байлыклар министрлыгы хезмәткәрләре дә катнашты.

Бөтендөнья универсиадасы алдыннан, шәһәрне яшелләндерү традицияләрен яңарту максатында, мэрия ярдәме белән Казанда “100 сквер” һәм “Яшел рекорд” проектлары тормышка ашырыла. Бу проектлар кысаларында инде йорт яны территорияләрендә шактый сквер һәм яшел зона төзекләндерелгән, меңнәрчә агач утыртылган.

май, 2013 ел

пәнҗешәмбе

«2014 – 2015 елларга тупланган экологик зыянны бетерү» Федераль максатчан программасы 2013 ел азагына кадәр кабул ителергә тиеш

Бу турыда Табигый байлыклар һәм экология министры Сергей Донской «2014 – 2015 елларга тупланган экологик зыянны бетерү» Федераль максатчан программасын тикшерүгә багышланган киңәшмәдә белдерде.

Федераль максатчан программаның максаты – гражданнарның тормыш сыйфатын яхшырту, тупланган калдыкларның күләмен киметү, элекке экологик зыян объектларын бетерү, уннарча мең гектар пычранган территорияне рекультивацияләү һәм хуҗалык әйләнешенә кертү.

Казанның Киров районы гараж кооперативлары буйлап пресс-рейд

Татарстан Экология һәм табигый байлыклар министрлыгы хезмәткәрләре бүген журналистлар өчен тагын бер экологик рейд оештырдылар. Министрлыкның Үзәк территориаль идарәсе инспекторлары Киров районы гараж кооперативлары территориясен карап чыгып, берничә бозыш очрагы таптылар. Атап әйткәндә, 6нчы гараж кооперативында экологлар Казансу елгасының иске тармагы яр буена, территорияне киңәйтү максаты белән, төзелеш һәм көнкүреш чүп-чары түшәлгәнне ачыкладылар. 6нчы кооператив тәүлек буе каравыллана, чит кешеләр анда чуп-чар кертә алмый.

май, 2013 ел

чәршәмбе

Калдыклар белән идарә итү һәм табигать саклау технологияләре буенча WASTETECH-2013 8нче Халыкара күргәзмә-форумы

Бүген Мәскәүдә калдыклар белән идарә итү һәм табигать саклау технологияләре буенча WASTETECH-2013 8нче Халыкара күргәзмә-форумы бара, аның эшендә Татарстан экология һәм табигый байлыклар министры Артем Сидоров катнаша.

Чара Россия Федерациясендә Әйләнә-тирәлекне саклау елы үткәрү кысаларында оештырылган. Ул җитештерү һәм кулланыш калдыкларын җыю, саклау, ташу, зарарсызлау һәм файдалану проблемаларын чишүгә, торак пунктларны санитар чистарту һәм төзекләндерүгә, су һәм һава бассейннарын саклауга, пычранган территорияләрне савыктыруга, яңартмалы энергия чыганакларын файдалануга, индустриаль куркынычсызлыкка һәм хезмәтне саклауга багышлана.

май, 2013 ел

сишәмбе

Россия Федерациясенең Табигый байлыклар һәм экология министрлыгы “Әйләнә-тирәлеккә ноль тискәре йогынты” Бөтенроссия акциясе үткәрү башлангычы белән чыкты

Россия Федерациясендә Әйләнә-тирәлекне саклау елы үткәрү кысаларында Россия Табигый байлыклар һәм экология министрлыгы 2013 елның 5 июнендә Халыкара әйләнә-тирәлекне саклау көненә багышланган чара үткәрү турында башлангыч белән чыкты.

“Әйләнә-тирәлеккә ноль тискәре йогынты” дип аталган бу акциянең максаты – әйләнә-тирәлеккә тискәре йогынтыларны киметү һәм Россиянең табигый ресурсларына сак караш мәсьәләләренә предприятиеләрнең экологик җаваплы мөнәсәбәтен җәмәгатьчелеккә күрсәтү.

Яшь геологларның Бөтенроссия олимпиадасы Казанда узачак

2013 елның 1-10 августында Казанда Яшь геологларның 9нчы ачык кыр олимпиадасы уздырылачак, ул Татарстанда нефть яткылыкларын эшкәртә башлауның 70 еллыгына һәм Әлмәт шәһәренең 60 еллыгына багышлана.

Олимпиаданың төп максаты – сәләтле балаларны ачыклау һәм аларга ярдәм итү, профессия сайлауда булышу, Россия һәм Татарстанның геология фәнендәге иң яхшы традицияләрне пропагандалау.

Тулырак белешмәләр http://special.rosnedra.gov.ru/article/6596.html сайтында.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ