Татарстан Республикасы Экология һәм табигать ресурслары министрлыгы

Россия Федерациясенең Табигый байлыклар һәм экология министрлыгы “Әйләнә-тирәлеккә ноль тискәре йогынты” Бөтенроссия акциясе үткәрү башлангычы белән чыкты

2013 елның 28 мае, сишәмбе

Россия Федерациясендә Әйләнә-тирәлекне саклау елы үткәрү кысаларында Россия Табигый байлыклар һәм экология министрлыгы 2013 елның 5 июнендә Халыкара әйләнә-тирәлекне саклау көненә багышланган чара үткәрү турында башлангыч белән чыкты.

“Әйләнә-тирәлеккә ноль тискәре йогынты” дип аталган бу акциянең максаты – әйләнә-тирәлеккә тискәре йогынтыларны киметү һәм Россиянең табигый ресурсларына сак караш мәсьәләләренә предприятиеләрнең экологик җаваплы мөнәсәбәтен җәмәгатьчелеккә күрсәтү.

Акциянең асылы – предприятиеләрнең (юридик затларның һәм хосусый эшмәкәрләрнең) әйләнә-тирәлеккә тискәре йогынты ясый торган эшчәнлеген кыска вакытка иреклечә туктатып тору (әгәр технологик цикл андый туктатуны рөхсәт итсә).

Акцияне уздыру вакытында предприятиеләрдә шулай ук төрле экологик чаралар: яшелләндерү эшләре, территорияне җыештыру, тематик семинарлар да оештырылырга мөмкин.

Акция илнең барлык субъектларында җирле вакыт белән сәгать 9дан 11гә кадәр үткәреләчәк.

Чарада катнашып, предприятиеләр, юридик затлар һәм хосусый эшмәкәрләр Россиянең әйләнә-тирәлеген һәм табигый байлыкларын саклауга битараф булмауларын күрсәтә алалар. Анда актив катнашучылар Россия Федерациясенең Табигый байлыклар һәм экология министрлыгы тарафыннан билгеләп үтеләчәк.

Акциядә катнашу турындагы планнар, аның кысаларында узачак чаралар турында белешмәләрне координаторга – РФ Табигый байлыклар һәм экология министрлыгының Әйләнә-тирәлекне саклау өлкәсендә дәүләт политикасы һәм көйләүләре департаменты директоры Светлана Юрмановага

e-mail: analitika.mpr@gmail.com адресына җибәрү сорала.

Мәгълүмат Россия Федерациясе Табигый байлыклар һәм экология министрлыгы сайтыннан.

БАРЛЫК ЯҢАЛЫКЛАРНЫ УКУ