ЯҢАЛЫКЛАР

4 сентябрьдә Татарстан Республикасының беренче Әйләнә-тирәлекне саклау һәм табигый байлыклар министры, Татарстан Экология һәм табигый байлыклар министрлыгының һәм Татарстан буенча Россия табигать күзәтчелеге идарәсенең иҗтимагый советлары рәисе, Түбән Кама муниципаль районы башлыгының әйләнә-тирәлекне саклау мәсьәләләре буенча киңәшчесе, Россия Экологик Академиясе академигы, география фәннәре кандидаты Анатолий Иванович Щеповских вафат булды.

Бәхилләшү һәм җеназа 6 сентябрьдә Габдулла Тукай исемендәге Татар дәүләт филармониясе бинасында уздырылды. Мәрхүм Лаеш районы Орловка зиратына җирләнде.

           Россия Федерациясе Табигый байлыклар һәм экология министрлыгының “Россия Федерациясе Табигый байлыклар һәм экологик министрлыгының 31 декабрь, 2010 ел, № 579 боерыгы белән расланган Атмосфера һавасына дәүләт хисабына һәм нормалаштыруына караган зарарлы (пычраткыч) матдәләр ташлау чыганакларын аныклау тәртибенә үзгәрешләр кертү турындагы” 18 июль, 2013 ел, № 249 боерыгы гамәлгә керде. Боерык белән атмосфера һавасына дәүләт хисабына һәм нормативларына караган зарарлы (пычраткыч) матдәләр ташлау чыганакларын ачыклау тәртибенә радиоактив матдәләр ташлау чыганаклары өлешендә төгәллек кертелә.

           Россия Табигать министрлыгының “2014 елда 5 класслы радиоактив калдыкларны күмүгә тарифларны билгеләү турындагы” 18 июль 2013 ел, № 248 боерыгы үз көченә керде. Документ белән 5 класслы радиоактив калдыкларны күмүнең чираттагы исәпләү-көйләү дәверенә – 2014 елга тарифлары билгеләнә.

         2 сентябрьдә Татарстан Экология һәм табигый байлыклар министры Артем Сидоров Апас районында Белем көненә багышланган тантаналарда катнашты. Өч мәктәптә булып, укучыларны, ата-аналарны һәм педагогларны Белем көне белән котлады. Шул мәктәпләрнең берсе, Борнаш урта мәктәбе быел гына төзелгән, андагы беренче звонок 87 укучы өчен яңгырады. И.Насыйбуллин исемендәге Чирмешән урта мәктәбенә (1982 елгы) һәм Килдураз урта мәктәбенә (1953 елгы) капиталь ремонт ясалган.

        4 – 6 сентябрьдә Казан ярминкәсендә Татарстан нефть-газ химиясе форумы уздырыла. Максаты – Идел буе регионының нефть һәм химия тармаклары предприятиеләренә яңа технологияләр һәм җиһазлар иңдерү, регион-ара һәм халыкара хезмәттәшлекне киңәйтү һәм ныгыту, фәнни потенциалны, фәнни тармак программаларын үстерүгә булышу.

        Бу конкурсны “Татарстан Республикасының иреклеләр хәрәкәтен үстерү үзәге” региональ иҗтимагый яшьләр оешмасы, Татарстан Яшьләр, спорт һәм туризм министрлыгы ярдәме белән, социаль иреклелек хәрәкәте, иреклелек хәрәкәтен оештыру, Татарстанда иреклелек хәрәкәтен үстерү һәм яклау өлкәсендәге казанышларга һәм яңарышларга хөрмәт белдерү, аларны җәмгыятьтә таныту максатында үткәрә.

           “В.И.Вернадский исемендәге милли экологик премия” X Бөтенроссия конкурсында катнашуга гаризалар кабул ителә башлады. Конкурс сигез номинация буенча үткәрелә: “Фән экология өчен” (энергетика, табигатьтән файдалану, саулык саклау һәм калдыкларны утильләштерү), “Киләчәк энергетикасы” (яңа энергия чыганаклары булдыру һәм яңартмалы энергия чыганакларының нәтиҗәлелеген күтәрү), “Глобаль экология” (глобаль һәм региональ экосистемалар өчен проектлар, халыкара хезмәттәшлек, халыкара стандартлар кертү, GRJ глобаль хисаплыгы буенча эшләр), “