«2014 елда 5 класслы радиоактив калдыкларны күмүгә тарифларны билгеләү турында» боерык үз көченә керде

          Россия Табигать министрлыгының “2014 елда 5 класслы радиоактив калдыкларны күмүгә тарифларны билгеләү турындагы” 18 июль 2013 ел, № 248 боерыгы үз көченә керде. Документ белән 5 класслы радиоактив калдыкларны күмүнең чираттагы исәпләү-көйләү дәверенә – 2014 елга тарифлары билгеләнә.
         5 класска “Радиоактив калдыклар белән эш итү һәм Россия Федерациясенең кайбер закон актларына үзгәрешләр кертү турындагы” 11 июль 2011 ел № 190-ФЗ Федераль законы гамәлгә кергәнче төзелгән тирәнгә кудыру пунктларында күмелергә тиешле сыек радиоактив калдыклар керә.
          Бүтән класстагы (1-4, 6) радиоактив калдыклар өчен тарифлар 5 еллык дәвергә Министрлыкның “Радиоактив калдыкларны күмүгә тарифларны беренчел билгеләү турындагы” 13 март 2013 ел № 89 боерыгы белән билгеләнгән.
        Шул Федераль законга ярашлы рәвештә, радиоактив калдыкларны күмгән өчен түләү Россия Федерациясе Хөкүмәте билгеләгән бердәм тарифлар буенча тормышка ашырыла.
        Бу вакытта радиация һәм атом-төш ягыннан аеруча куркынычлы җитештерүләр һәм объектлар радиоактив калдыкларны күмгән өчен түләүне квартал саен күчерүләр юлы белән башкаралар, аларның күләме радиоактив калдыкларны күмү тарифларыннан һәм алар барлыкка килүнең агымдагы елга фаразланган күләменнән чыгып билгеләнә.
        Эшчәнлекләре нәтиҗәсендә радиоактив калдыклар барлыкка килә торган башка оешмалар андый калдыкларны күмү өчен түләүләрне аларны милли операторга тапшырганда, тапшырыла торган радиоактив калдыкларның факттагы күләменнән һәм аларны күмүгә тарифлардан чыгып башкаралар.
           Белешмә Россия Федерациясе Табигый байлыклар һәм экология министрлыгы сайтыннан.

        ТР Экология министрлыгының матбугат хезмәте