Казанда Татарстан нефть-газ химиясе форумы уздырыла

        4 – 6 сентябрьдә Казан ярминкәсендә Татарстан нефть-газ химиясе форумы уздырыла. Максаты – Идел буе регионының нефть һәм химия тармаклары предприятиеләренә яңа технологияләр һәм җиһазлар иңдерү, регион-ара һәм халыкара хезмәттәшлекне киңәйтү һәм ныгыту, фәнни потенциалны, фәнни тармак программаларын үстерүгә булышу.
Быелгы форум түбәндәге дүрт иң мөһим тармак күргәзмәләрен берләштерә:
– 20нче халыкара махсуслашкан “НЕФТЬ, ГАЗ. НЕФТЬ ХИМИЯСЕ” күргәзмәсе, ул Россиянең иң эре өч региональ нефть-газ күргәзмә чаралары исәбенә керә, экономиканы, технологик инфраструктураны үстерү һәм Россия нефть-газ химиясе комплексы предприятиеләрен техник яңарту өчен аеруча әһәмиятле;
– 8нче махсуслашкан “XXI гасыр экотехнологияләре һәм җиһазлары” күргәзмәсе, Татарстанның Экологик культура һәм әйләнә-тирәлекне саклау елына багышлана;
– 4нче махсуслашкан “Пластик & Каучук” күргәзмәсе – синтетик каучук, шиннәр, пластмассалар, синтетик сумалалар һәм химик-фармацевтик продукция җитештерү буенча алдынгы казанышларны күрсәтүче бердәнбер региональ чара;
– 3нче махсуслашкан “GEO-КАЗАН: Геологик эзләнүләр. Геодезия. Картография” күргәзмәсе – файдалы казылмалар эзләүнең инновацион геологик һәм геофизик алымнарын үстерү һәм куллану өчен уңайлы шартлар булдыру, шулай ук иң яңа геоинформатик эшләнмәләрне һәм технологияләрне үстерү һәм иңдерү максатындагы күргәзмә проекты;
Татарстан нефть-газ химиясе форумы өч көн буе актив эшчәнлек мәйданы булып торачак, аның кысаларында түбәндәгеләр уздырылачак:
– 4-6 сентябрьдә “Нефть яткылыкларын соңгы стадиядә эшкәртүнең нәтиҗәлелеген күтәрү проблемалары” халыкара фәнни-практик конференциясе.
Оештыручысы: Татарстан Республикасы Фәннәр Академиясе;
– 4-5 сентябрьдә “Сыекча һәм газларның чыгымын һәм микъдарын үлчәүне метрологик тәэмин итүнең актуаль мәсьәләләре” халыкара метрология конференциясе.
Оештыручысы: “Бөтенроссия расходометрия фәнни тикшеренү институты” ФДУП;
– 4 сентябрьдә “Нефть химиясе һәм нефть эшкәртү тармагын үстерүнең төп тенденцияләре” фәнни-практик конференциясе.
– 4 сентябрьдә “Капиталь төзелештә республикада җитештерелгән нефть химиясе продукциясен куллануны киңәйтү” Түгәрәк өстәле, анда Татарстан Президенты Рөстәм Миңнеханов катнашачак.
– 4 сентябрьдә “Юл төзелешендә республикада җитештерелгән нефть химиясе продукциясен куллануны киңәйтү” Түгәрәк өстәле, анда Татарстан Президенты Рөстәм Миңнеханов катнашачак.
– 4 сентябрьдә Иң яхшы экспонат, проект яки техник алым конкурсы.
Оештыручылары: Татарстан Экология һәм табигый байлыклар министрлыгы, Татарстан Индустрия һәм сәүдә министрлыгы, “Татнефтехиминвест-холдинг” ААҖ, Татарстан Республикасы Фәннәр Академиясе, “Татнефть” ААҖ, “ТАИФ” ААҖ, “Нефтеконсорциум” ЯАҖ һәм “Казан ярминкәсе” ААҖ;
– 5 сентябрьдә Индустриаль автоматлаштыру буенча халыкара фәнни-практик конференция.
Оештыручысы: “Иокогава Электрик СНГ” ҖЧҖ;
– 5 сентябрьдә “Заманча геодезия һәм геотирәлек технологияләре” халыкара фәнни-практик конференциясе.
Оештыручысы: Trimble Express;
– 5 сентябрьдә “Нефть чыгару, ташу һәм әзерләү процессларында дифферентлаучы химик технологияләр” Түгәрәк өстәле.
Оештыручысы: “Мастер кемикалз” ҖЧҖ;
– 6 сентябрьдә “Индустриаль экология һәм куркынычсызлык” VIII халыкара фәнни-практик конференциясе.
Оештыручысы: Татарстан Экология һәм табигый байлыклар министрлыгы;
– 6 сентябрьдә “Геодезиянең һәм геоинформацион системаларның актуаль мәсьәләләре” II фәнни-практик конференциясе.
Оештыручылары: Татарстан Информатизация һәм элемтә министрлыгы, “Татарстан Республикасы информацион технологияләр үзәге” ДУП, Казан (Идел буе) федераль университеты.
– 6 сентябрьдә предприятие технологларының, механикларының һәм энергетикларының Россия һәм республика предприятиеләре арасында партнерлык мөнәсәбәтләре урнаштыру, контрактлар төзү максатындагы Бизнес-очрашулары,
       Форумда Россиядән һәм чит илләрдән килгән 1800дән артык делегат катнашачак, алар арасында галимнәр, алдынгы тармак компанияләре җитәкчеләре, нефть-газ химиясе, приборлар төзү, машина төзү, электроника һәм башка индустрия тармаклары белгечләре, министрлыклар һәм ведомстволар вәкилләре бар.

        Өстәмә белешмәләр: “Казан ярминкәсе” ААҖ, 420059, Казан, Оренбург тракты, 8. Тел./факс: (843) 570-51-14, 570-51-11 (тәүлек буе). Факс: (843) 570-51-23. E-mail: d2@expokazan.ru, info@expokazan.ru, www.oilexpo.ru, www.expoecology.ru, www.plasticexpokazan.ru, www.geoexpokazan.ru, www.expokazan.ru.
Министрлыкның матбугат хезмәте