Татарстан Республикасы Министрлыклары Татарстан Республикасы Экология һәм табигать ресурслары министрлыгы

ЯҢАЛЫКЛАР

октябрь, 2013 ел

шимбә

Экологлар «Яшә, урман!» акциясенә кушылды

Бүген бөтен Россия буенча “Яшә, урман!” акциясе бара. Илнең барлык төбәкләрендә урман агачлары утырту, торак пунктларны яшелләндерү, урманнарны чүп-чардан тазарту чаралары оештырыла. Акциянең максаты – җәмәгатьчелек игътибарын урман байлыкларын яңартуга һәм арттыруга юнәлтү. Татарстанда 2013 елның көзендә 10 миллионлап үсенте утырту ният ителә. Татарстан Экология һәм табигый байлыклар министрлыгы хезмәткәрләре дә бу акциягә кушылды, алар көче Казан-Кадыш автоюлы буенда йөзләрчә агач утыртылды.

Экология министрлыгында Судан Республикасы илчесе Гомәр Дәхәб Фазыл Мөхәммәт белән очрашу булып узды

Татарстан Экология һәм табигый байлыклар министрлыгында министр урынбасары Тимур Акчурин Россия һәм Ислам Хезмәттәшлеге Оешмасы илләренең “KAZANSUMMIT 2013” экономик саммитында катнашучы Судан Республикасы илчесе Гомәр Дәхәб Фазыл Мөхәммәт әфәнде белән очрашты.

Очрашу вакытында сүз ике республиканың Суданда углеводород чималын эзләү һәм чыгару өлкәсендә хезмәттәшлек мөмкинлекләре турында барды.

октябрь, 2013 ел

җомга

Бөтенроссия премиясенә конкурс игълан ителде

Россия Федерациясе Табигый байлыклар министрлыгы “Экологик үсеш – Evolution Awards” Бөтенроссия премиясенә конкурс үткәрә. Премия Россия һәм чит ил компанияләренә, шулай ук аерым кешеләргә “яшел” технологияләр һәм тотрыклы үсеш өлкәсендәге казанышлары өчен биреләчәк.

Әйләнә-тирәлекне саклау буенча IV Бөтенроссия съездына багышланган рәсми веб-сайт эшли башлады

Әйләнә-тирәлекне саклау буенча IV Бөтенроссия съездына багышланган рәсми веб-сайт эшли башлады. Мәскәүдә 2-4 сентябрьдә “Крокус Экспо” күргәзмә үзәгендә узачак ул съезд турында җентекле белешмәләрне www.eco2013.info сайтында табарга мөмкин.
Россия Федерациясе Табигый байлыклар һәм экология министрлыгы оештырган съездның максаты – кискен экологик проблемаларны тикшерү, аларны чишү юлларын эзләү, Россиянең табигать саклау законнарын камилләштерү. Катнашучылар ачык бәхәс формасында, илнең төп экологик чарасы кысаларында, әйләнә-тирәлекне саклау мәсьәләләрен тикшерәчәкләр.

октябрь, 2013 ел

пәнҗешәмбе

Әйләнә-тирәлекне саклау буенча IV Бөтенроссия съездына делегатлар сайланды

Казанда Әйләнә-тирәлекне саклау буенча IV Бөтенроссия съездына делегатлар күрсәтү конференциясе булып узды. Табигатьтән файдалану өлкәсендә күзәтчелек федераль службасы боерыгына ярашлы рәвештә Татарстан өчен билгеләнгән квота буенча, съездда республикабыздан 52 делегат катнашачак. Шулар арасында – Татарстан Экология һәм табигый байлыклар министрлыгы, Татарстан буенча Россия Табигать күзәтчелеге, Татарстан Авыл хуҗалыгы һәм азык-төлек министрлыгы, Татарстан Иҗтимагый Палатасы хезмәткәрләре, индустрия комплексының иң яхшы һәм үтемле технологияләр иңдерүче предприятиеләре җитәкчеләре һәм экологлары, муниципалитетлар вәкилләре, иҗтимагый экологик хәрәкәт активистлары, фән, мәгариф һәм табигать саклау органнары вәкилләре.

Татарстанда «Чишмәләрне бергә төзекләндерик!» социаль проектының чираттагы этабы төгәлләнде

Бүген Лаеш районы Караеш авылында, Татарстан Экология һәм табигый байлыклар министрлыгы, Лаеш районы администрациясе һәм Татарстан Яшьләр берлеге ярдәме белән Efes Rus компаниясе төзекләндергән саф сулы чишмәне ачу тантанасы булып узды. Тантанада Татарстан Экология һәм табигый байлыклар министрлыгының Үзәк территориаль идарәсе башлыгы Илһам Сабиров, Efes Rusның регионнарда корпоратив мөнәсәбәтләрне үстерү буенча директоры Станислав Аверьянов, Татарстан Яшьләр берлеге рәисе Светлана Пермякова, авыл башлыгы Людмила Стерякова һәм авылда яшәүчеләр катнашты.

октябрь, 2013 ел

чәршәмбе

Татарстан Экология һәм табигый байлыклар министрлыгы «Халык контроле» системасында иң яхшы модератор дип танылды

Бүген Татарстанда кеше хокуклары Вәкиле Аппаратында Татарстан Республикасы “Халык контроле” дәүләти информация системасы (ДИС) эшчәнлеге буенча тармак-ара комиссия утырышы булып узды. Анда республика министрлыклары һәм тармаклары вәкилләре катнашты. Утырышта системаның эшчәнлеге проблемалары һәм аларны чишү юллары каралды.

Татарстанда кеше хокуклары буенча Вәкил Сария Сабурская “Халык контроле” системасындагы үзгәрешләр турында сөйләде: системаның баш модераторы итеп Кеше хокуклары буенча вәкил билгеләнгән, “Халык контроле”ндә “Торак-коммуналь хуҗалык” һәм “Тышкы реклама бозышлары” дигән ике яңа категория барлыкка килгән, “планга кертелгән” статусын хәзер системада бер тапкыр гына куярга була, хәбәрне карау срогын үзгәртү 30 көннән 10 көнгә кадәр кыскартылган.

«Милләтнең экологик куркынычсызлыгы – дәүләтнең көче»

2013 елның ноябрендә Халыкара Вәкилләр Үзәге һәм Бөтенроссия суда коткару җәмгыяте (ВОСВОД), Россия Федерациясенең Әйләнә-тирәлекне саклау елы чаралары кысаларында, “Милләтнең экологик куркынычсызлыгы – дәүләтнең көче” Халыкара Конгрессы Утырышын үткәрәләр.

октябрь, 2013 ел

сишәмбе

Татарстан Экология һәм табигый байлыклар министрлыгында олы яшьтәгеләр көне билгеләп үтелде

Бүген Татарстан Экология һәм табигый байлыклар министрлыгында хезмәт ветераннарына хөрмәт күрсәтелде. Бирегә җыелган олы яшьтәгеләрне сәламләү сүзләре белән министр Артем Сидоров чыгыш ясады. “Бу күркәм көн өлкәннәргә карата булган тирән хөрмәтебезне белдерү өчен тагын бер мөмкинлек бирә”, – диде ул.

сентябрь, 2013 ел

дүшәмбе

Экология министрлыгы хезмәткәрләре мини-футбол буенча ярышларның 1/8 финалына чыкты

Казанда Татарстан Республикасы дәүләт хезмәткәрләре Спартакиадасы бара. Аның кысаларында 28 сентябрьдә, “Буревестник” спорт комплексында мини-футбол ярышларының төркем этабы булып узды. Шобага нәтиҗәләре буенча Татарстан Экология һәм табигый байлыклар министрлыгы командасына көндәшлеккә Татарстанның Хезмәт, шөгыльлелек һәм социаль яклау министрлыгы һәм Саулык саклау министрлыгы командалары чыкты. Экологлар командасы 7:0 һәм 7:1 исәбе белән ике ышанычлы җиңү яулап, төркемдә беренчелекне алды һәм 1/8 финалга чыкты. 5 октябрьдә экологларга каршы Татарстан Министрлар Кабинеты командасы уйнаячак.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ