Татарстан Республикасы Министрлыклары Татарстан Республикасы Экология һәм табигать ресурслары министрлыгы

Бөтенроссия премиясенә конкурс игълан ителде

2013 елның 4 октябре, җомга

Россия Федерациясе Табигый байлыклар министрлыгы “Экологик үсеш – Evolution Awards” Бөтенроссия премиясенә конкурс үткәрә. Премия Россия һәм чит ил компанияләренә, шулай ук аерым кешеләргә “яшел” технологияләр һәм тотрыклы үсеш өлкәсендәге казанышлары өчен биреләчәк.

“Экологик үсеш – Evolution Awards” премиясе лауреатларын билгеләү өчен конкурс биш номинациядә оештырыла. Җиңүчеләр буенча карарны Россия Федерациясе Табигый байлыклар һәм экология министры Сергей Донской рәислек иткән конкурс комиссиясе чыгарачак. “Конкурсның төп өч бурычы – Россия территориясендә тотрыклы үсеш идеяләрен киң тарату, “яшел” технологияләр иңдерүче физик һәм юридик затларны кызыксындыру, шулай ук “яшел” технологияләр базарын үстерү тенденцияләрен билгеләү”, – дип белдерде Россия Табигый байлыклар һәм экология министры урынбасары Ринат Гыйззәтуллин.

Конкурсны үткәрү турында тулырак белешмәләр белән премиянең партнеры сайтында – Greenevolution.ru порталында танышырга мөмкин.

Конкурска катнашырга теләүчеләрдән гаризалар 2013 елның 1 октябреннән 10 октябренә кадәр кабул ителә. Гаризаларны басмача я электрон рәвештә 119017, г. Москва, Старомонетный переулок, 31, ФГБУ “Центральное бюро информации Минприроды России” адресына яисә konkurs@greenevolution.ru сайтына ““Evolution Awards” премиясе конкурсына” дигән билге белән җибәрергә мөмкин.

Конкурста җиңүчеләрне бүләкләү тантанасы Россиянең иң зур экологик чарасы – Әйләнә-тирәлекне саклау буенча IV Бөтенроссия съезды кысаларында 2013 елның 2-4 декабрендә “Крокус-Экспо” күргәзмә үзәгендә уздырылачак.

Белешмә Россия Федерациясе Табигый байлыклар һәм экология министрлыгының матбугат хезмәте материаллары буенча әзерләнде.

ТР Экология һәм табигый байлыклар министрлыгының матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Татарстанда 2026 елда экологик иминлеккә 3 млрд сумга якын инвестициялиләр

«Экологик иминлек» яңа илкүләм проекты кысаларында Татарстан 8 табигатьне саклау инициативасын гамәлгә ашыруны планлаштырган, гомуми финанслау почта 3 млрд.сум. Акчаларның төп өлеше «Россия суы» федераль проектына юнәлдереләчәк, дип хәбәр итте Татарстан Республикасы Министрлар Кабинетында узган брифингта экология министры Азат Җиһаншин.

Татарстан язны киң колачлы экологик кампания белән каршы ала: елгаларны чистартудан алып Кызыл китапка кертелгән лачыннар чыгаруга кадәр

Бүген Татарстан Экология һәм табигый байлыклар министры Азат Җиһаншин Татарстан Республикасы Министрлар Кабинетында узган брифингта чыгыш ясады. Чара санитар-экологик икеайлыкка старт алуга һәм «экологик иминлек»милли проекты кысаларында 2026 елга табигатьне саклау эшләре планнарына багышланган иде.

март, 2026 ел

Экология министры Азат Җиһаншин Экология министрлыгы хезмәткәрләренә күкрәк билгеләре һәм таныклыклар тапшырды

Бүген Татарстан Экология һәм табигый байлыклар министры Азат Җиһаншин структур һәм территориаль бүлекчәләр җитәкчеләре белән атналык аппарат киңәшмәсендә ведомство хезмәткәрләренә күкрәк билгеләре һәм хезмәт таныклыклары тапшырды.

Экологлар Яр Чаллыда санкцияләнмәгән чүплекне теркәгәннәр

Чаллы шәһәре территориясен мониторинглау кысаларында Кама буе идарәсе инспекторлары табигатьне саклау законнарын бозуны ачыкладылар.

ЯҢАЛЫКЛАРГА ЯЗЫЛУ