Әйләнә-тирәлекне саклау буенча IV Бөтенроссия съездына багышланган рәсми веб-сайт эшли башлады
Әйләнә-тирәлекне саклау буенча IV Бөтенроссия съездына багышланган рәсми веб-сайт эшли башлады. Мәскәүдә 2-4 сентябрьдә “Крокус Экспо” күргәзмә үзәгендә узачак ул съезд турында җентекле белешмәләрне www.eco2013.infoсайтында табарга мөмкин.
Россия Федерациясе Табигый байлыклар һәм экология министрлыгы оештырган съездның максаты – кискен экологик проблемаларны тикшерү, аларны чишү юлларын эзләү, Россиянең табигать саклау законнарын камилләштерү. Катнашучылар ачык бәхәс формасында, илнең төп экологик чарасы кысаларында, әйләнә-тирәлекне саклау мәсьәләләрен тикшерәчәкләр.
Съезд – профессиональ экологик җәмәгатьчелек өчен иң зур бәхәс мәйданы булып тора, анда Россиянең 83 регионыннан 2 меңнән артык кеше: дәүләт хакимияте органнары, фән һәм җәмәгать оешмалары, Россия һәм чит ил компанияләре, бизнес җәмгыятьләре вәкилләре катнашачак. Россия субъектларында региональ конференцияләр үткәрелеп, аларда Съездга делегатлар сайланачак.
Әйләнә-тирәлекне саклау буенча IV Бөтенроссия съездын үткәрү Әйләнә-тирәлекне саклау елының йомгаклау вакыйгасы булып тора. Әйләнә-тирәлекне саклау буенча III Бөтенроссия съезды 2003 елның ноябрендә үткәрелгән иде.
Белешмәләр Россия Федерациясе Табигый байлыклар һәм экология министрлыгының матбугат хезмәте материаллары буенча әзерләнде.
ТР Экология министрлыгының матбугат хезмәте.