Татарстан Экология һәм табигый байлыклар министрлыгы «Халык контроле» системасында иң яхшы модератор дип танылды

2013 елның 2 октябре, чәршәмбе
Бүген Татарстанда кеше хокуклары Вәкиле Аппаратында Татарстан Республикасы “Халык контроле” дәүләти информация системасы (ДИС) эшчәнлеге буенча тармак-ара комиссия утырышы булып узды. Анда республика министрлыклары һәм тармаклары вәкилләре катнашты. Утырышта системаның эшчәнлеге проблемалары һәм аларны чишү юллары каралды.
Татарстанда кеше хокуклары буенча Вәкил Сария Сабурская “Халык контроле” системасындагы үзгәрешләр турында сөйләде: системаның баш модераторы итеп Кеше хокуклары буенча вәкил билгеләнгән, “Халык контроле”ндә “Торак-коммуналь хуҗалык” һәм “Тышкы реклама бозышлары” дигән ике яңа категория барлыкка килгән, “планга кертелгән” статусын хәзер системада бер тапкыр гына куярга була, хәбәрне карау срогын үзгәртү 30 көннән 10 көнгә кадәр кыскартылган.
Татарстан Экология һәм табигый байлыклар министры урынбасары Рәмил Низамов министрлыкның “Халык контроле” информация системасы эшендә катнашу тәҗрибәсе белән уртаклашты. Система 2012 елның апрель уртасында эшкә кушылган, аны төзүдә Татарстан Экология һәм табигый байлыклар министрлыгы да актив катнашкан. Башлангыч этапта система гражданнардан рөхсәтсез калдык ташлау урыннарын ачыклау турында гына хәбәрләр алырга мөмкинлек биргән. Хәзерге вакытта исә анда хәбәрләр 27 категориядә алына, шуларның 4се экологиягә карый: чүплекләр, һава, су, санитар торыш.
Система министрлыкта эшли башлагач ук диярлек тулаем министрлыкта эшләү схемасын һәм хәбәрләрне һәр тармакта эшкәртүнең конкрет срокларын билгели торган эчке регламент әзерләп раслатылган. Министр боерыгы белән шулай ук һәр тармакта система белән эшләү өчен җаваплы категория модераторлары һәм файдаланучылар беркетелгән. Рөхсәтсез калдыклар ташлау урыннары ачыклану турында “Халык контроле” системасы аша кергән барлык хәбәрләр министрлыкның “Рөхсәтсез калдыклар ташлау урыннарына мониторинг” бердәм дәүләти информация системасына да кертелә, анда Татарстан территориясендә министрлык инспекторлары һәм гражданнар ачыклаган барлык шундый урыннар бергәлектә теркәлә. Һәр урынга карата аны ачыклау мизгелендәге фото һәм чүплекне бетерү фактын раслаучы фото, ачыклау һәм бетерү даталары, бозучы турында белешмәләр бирелә. Ул гына да түгел, агымдагы елда ачыкланган һәм бетерелгән рөхсәтсез чүплекләрнең бердәм картасы белән ecokarta.tatar.ru адресы буенча халык та таныша ала.
Быел 1 октябрьгә кадәр министрлыкның дәүләти информация системасына барлыгы 898 шикаять кергән, шуларның 734е хәл ителгән, 20се буенча эш бара, 47се планга кертелгән, 97 хәбәр сәбәпле рәвештә кире кагылган.
Рәмил Низамовның әйтүенчә, гражданнар еш кына инде хәл ителгән гаризага карата комментарий рәвешендә сораулар һәм хәбәрләр язалар. Шундый комментарийларны күзәтеп барыр өчен хәзерге вакытта һәр хәл ителгән хәбәрне киредән ачарга туры килә. Хәбәрләр гел күбәя барганга күрә, бу кыен эшкә әверелә. Шуннан чыгып, министрлык конкрет категория кысаларындагы хәбәрләргә яңа комментарийларны күзәтеп бару системасын эшләүне максатка ярашлы дип саный.
Министрлыкның матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International