Бүген Татарстан Экология һәм табигый байлыклар министрлыгының финанс контроле, исәп һәм хисаплылык бүлеге башлыгы Светлана Азатовна Яковлеваның туган көне. Ул министрлыкта бүлек башлыгы булып 2010 елдан бирле эшли. Экология министрлыгы коллективы Светлана Азатовнаны туган көне белән котлап, аңа ныклы сәламәтлек, күңел көрлеге, зур уңышлар, оптимизм, өендә татулык һәм иминлек тели.

Рөхсәтсез кар ташлау урыннарын ачыклау буенча 2015 елда Татарстан Экология һәм табигый байлыклар министрлыгының Төньяк территориаль идарәсе инспекторлары үткәргән рейдлар барышында 1 бозу очрагы ачыкланган. Балтач районында бер физик затка Тышкы төзекләнеш кагыйдәләрен бозу (ТР КоАП 3.6 ст. 1 ө.), хосусый йорт янындагы территориягә кар өю буенча беркетмә төзелгән. Балтач ш.т.бистәсенең урам һәм тыкрыкларыннан кар махсус әзерләнгән, Балтачның төньяк өлешендә урнашкан 2.5 гектар мәйданга чыгарыла. Балтач бистәсенең тикшерелгән өлешендә рөхсәтсез кар өемнәре табылмаган.

Бүген Татарстан Экология һәм табигый байлыклар министрлыгының хокукый тәэминәт бүлеге башлыгы Владимир Александрович Тронин юбилей үткәрә. Ул Министрлыкта 2013 елның мартыннан бирле эшли. Юриспруденциядәге тулай стажы – 20 елдан артык.

Экология министрлыгы коллективы Владимир Александровичны туган көне белән котлап, аңа иң кыю план һәм башлангычларында уңышлар, бетмәс яшәү энергиясе, озын гомер һәм корычтай сәламәтлек тели.

Чаллы шәһәре, ВСО районы, Төзелеш ур. 56/2 адресы буенча урнашкан җитештерү базасындагы морҗадан начар исле төтен чыгу турында гражданнардан кайнар линия аша кергән хәбәр нигезендә Кама буе территориаль идарәсе белгечләре административ тикшеренү үткәрде. Территориаль идарәнең махсус аналитик контроль инспекциясе белгечләре пычрану чыганагыннан пробалар алды. Хосусый эшмәкәр А.Г.Прокофьевка карата “Атмосфера һавасын саклау кагыйдәләрен бозу” РФ КоАП 8.21 ст. 1 ө. буенча беркетмә төзелде. Эш материаллары аның эшчәнлеген административ туктату өчен шәһәр судына юнәлтелде. Чаллы суды карары белән хосусый эшмәкәр А.Г.Прокофьевның эшчәнлеге 30 тәүлеккә туктатылды.

2015 елның 25-27 февралендә Япониядә Яшел төзелеш технологияләре һәм экологик чиста торак йортлар буенча 5нче “ECO House & ECO Building Expo 2015” халыкара күргәзмәсе үткәрелә. Профессионаллар игътибарына экологик төзелеш, биналарны төзегәндә һәм аларны хезмәтләндергәндә чиста энергетик технологияләр (энергия саклау, яңартмалы энергия чыганаклары) куллану, био-төзелеш, агачтан һәм башка эко-материаллардан җыелма һәм мобиль торак конструкцияләре ясау өлкәсендәге соңгы продуктлар, технологияләр һәм чишелешләр тәкъдим ителәчәк. Күргәзмә вакытында техник конференция дә үткәреләчәк.