Татарстан Республикасы Экология һәм табигать ресурслары министрлыгы

Кабан күленә юынты су агызу туктатылды

2015 елның 16 феврале, дүшәмбе

2015 елның 11 февралендә Татарстан Экология һәм табигый байлыклар министрлыгына Казан халкыннан Түбән Кабанга юынты су агызу факты буенча мөрәҗәгать кергән иде. Министрлыкның Үзәк территориаль идарәсе инспекторлары, Үзәк махсус аналитик контроль инспекциясе белгечләре, Казан табигать саклау прокуратурасы, Татарстан буенча Эчке эшләр министрлыгы, Татарстан Гражданнар оборонасы һәм гадәттән тыш хәлләр министрлыгы, Казан Шәһәр башкарма комитеты вәкилләре белән берлектә шул урынга барып, Казан шәһәре яңгыр канализациясе торбасыннан юынты су агызылуны ачыкладылар. 12 февральдә Экология министрлыгының Үзәк территориаль идарәсе инспекторлары, Үзәк махсус аналитик контроль инспекциясе белгечләре, Казан районара табигать саклау прокуратурасы, Казан Шәһәр башкарма комитеты, “Шәһәрне төзекләндерү” МУП белән берлектә Кабан күле төбәгендәге яңгыр канализациясен тикшерделәр. Казан шәһәре яңгыр канализациясе юынты су чыганагын ачыклау максатыннан махсус видеокамера белән тикшерелде, нәтиҗәдә юынтының Татарстан һәм Ш.Мәрҗани урамнары чатында “Гидроспецстрой” ЯАҖ үткәрә торган ремонт урыныннан агуы ачыкланды. Ремонт эшләре һәм юынты су агызу туктатылды. Татарстан Экология һәм табигый байлыклар министрлыгының Үзәк СИАК белгечләре юынты һәм табигый сулардан пробалар алды, тикшерү нәтиҗәләре буенча су объектына салынган зыянның күләме исәпләнәчәк. Хәзерге вакытта Кабан күленә пычрак юынты су агызуда гаепле затларга карата административ эш алып барыла.

Табигать саклау законнарын бозулар турында 267-68-67 кайнар линия телефонына һәм eco.signal@tatar.ru электрон почтасына хәбәр итүегезне сорыйбыз.

Министрлыкның матбугат хезмәте

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ