ЯҢАЛЫКЛАР

Татарстан Экология һәм табигый байлыклар министрлыгы, Татарстан Фәннәр Акаде-миясе һәм Казан (Идел буе) федераль университеты Татарстан Фәннәр Академи¬ясенең Татарстанда көнүзәк экологик куркынычсызлык проблемаларын чишү өчен зур әһәмиятле иң яхшы фәнни эш буенча профессор Виктор Попов исемендәге 2014 ел премиясенә конкурс игълан итәләр.
Конкурсның шартлары:
1. Өчтән артмаган башкаручы авторлар исеменнән элек дәүләт премиясе ала алмаган эш (я монотематик эшләр сериясе) тәкъдим ителә ала.
2. Эш тәкъдим итү хокукы Татарстан Фәннәр Академиясе һәм Россия Фәннәр Академиясе академикларына, әгъза-корреспондентларына, фәнни оешмаларга, вуз-ларга, Татарстан Фәннәр Академиясе президиумы каршындагы экология пробле¬ма-лары буенча фәнни советка, министрлыкларның һәм тармакларның фәнни-техник советларына бирелә.

Мәскәүдә Вернадский исемендәге экологик фонд, “Гринлайт” халыкара экологик җәмәгать оешмасы һәм “Гринлайф” төбәк-ара экологик җәмәгать оешмасы “Экологик культура. Тынычлык һәм татулык” дигән халыкара проектны тормышка ашыра. Проект¬ның максаты – Россия Федерациясе халкының экологик культурасын формалаштыру һәм үстерү өлкәсендә практик кулланышлы проект һәм идеяләрне ачыклау.
Проект түбәндәге номинацияләрне күздә тота:
– Экологик белем бирү;
– Экологик тәрбия һәм агарту;
– Биологик төрлелекне саклау һәм ландшафтларны савыктыру;
– Индустриядә һәм энергетикада экологик культура;
– Хәбәр чаралары һәм экологик культура;

“Звезда.ru” интеллектуаль үсеш үзәге “Экологик бумеранг” халыкара конкурсын үткәрә. Конкурста олылар һәм балалар катнаша ала. Аңа планетадагы экологик хәл, тормышның төрле өлкәләрендәге экологик мөнәсәбәтләр турындагы презентацияләр, фото- һәм видеоматериаллар, хикәяләр, шигырьләр, нәсерләр түбәндәге номинацияләрдә кабул ителә.
1. Тайга сагы.
2. Тере диңгез.
3. Россиянең урман вахтасы.
4. Экологик белем мәктәбе.
5. Экологик мониторинг.
6. Планетага куркыныч яный.
7. Серле биологик кыр.
8. “Кеше-үсемлек” бәйләнешен тикшерүләр.
9. Бионика.
10. Урманга форсат бир.
11. Дару үләннәре.
12. Хайваннарны саклау.
13. Гөмбәләр экологиясе.

Татарстан Экология һәм табигый байлыклар министрлыгында “Антикоррупцион хәбәрче” журналының чираттагы номеры чыгарылды. Анда коррупциягә каршылык законнарына үзгәрешләр һәм Министрлыкның 2014 елгы антикоррупцион эшчәнлеге чагылдырыла. Шулай ук төрле хәбәр чаралары журналистларының мәкаләләре яктыртыла: Россия Transparency International (www.interfax.ru) коррупция рейтингында 136нчы урынга төшкән; коррупциягә каршылык чараларының хаотиклыгы Россияне Коррупциягә мөнәсәбәт индексының өченче өлешендә калдыра (www.interfax.ru); коррупцион җинаятьләрнең еллык зыяны 2014 елда 15 млрд сум чамасы булган (www.dp.ru).
Журнал “Коррупциягә каршылык” бүлегендә урнаштырыла.

Гражданнарның Татарстан Экология һәм табигый байлыклар министрлыгына атмосфера һавасын “ЦемМаркет” ЯАҖ тарафыннан пычрату буенча мөрәҗәгатьләре кысаларында Казан ш., Халитов ур. 8 адресындагы предприятие территориясе, шул предприятие вәкилләре белән берлектә, цементны т/ю вагоннарыннан бушату һәм автотранспортка төяү урыннары карап тикшерелде.
Административ тикшерү вакытында “ЦемМаркет” ЯАҖ территориясеннән атмосфера һавасына зарарлы (пычраткыч) матдәләрне рөхсәтсез чыгаруга, шулай ук газларны чистарту һәм атмосфера һавасына зарарлы (пычраткыч) матдәләрне чыгаруга контроль корылмаларыннан, җиһазларыннан файдалану кагыйдәләренең үтәлмәве ачыкланды. Анда шулай ук тузан һәм газ тоту корылмаларына теркәлгән паспортлар да юк. “ЦемМаркет” ЯАҖне карата РФ КоАП 8.21 ст. 1 ө. (атмосфера һавасына зарарлы матдәләр чыгару я аңа махсус рөхсәтсез зарарлы физик йогынты ясау), 8.21 ст. 3 ө. (газларны чистарту һәм атмосфера һавасына зарарлы матдәләр чыгаруга контроль корылмаларын, җиһазларын яки аппаратларын куллану кагыйдәләрен бозу, кулланмау аркасында аның пычрануы, яисә

2015 елның 10-13 февралендә Словакиянең Нитре шәһәрендә AQUA-THERM Nitra 2015 17нче халыкара җылыту, вентиляция, кондицияләү, үлчәү, көйләү, санитария һәм экология техникасы күргәзмәсе үткәрелә.
Күргәзмәнең максаты – “бәя-сыйфат” бәйләнеше буенча иң яхшы продукция бирү буенча базарларга, партнерларга күзәтү ясау.
Күргәзмәгә бу өлкәдә шактый уңышларга ирешкән иң эре компанияләр һәм базарчылар чакырыла.

Бүген Татарстан Экология һәм табигый байлыклар министрлыгы хезмәткәрләре XXXIII бөтенроссия күмәк чаңгы ярышында катнаштылар. Казанда төп старт Залесный бистәсенең “Кояшлы” лагерында бирелде. Монда VIP-ярышы, Казан районнарында яшәүчеләрнең күмәк стартлары, вуз һәм ссузы студентларының узышлары үткәрелде.
Аннан тыш, “Россия чаңгы юлы-2015” Идел буе районы Имәнлек урамының урман-парк зонасында һәм Совет районы Дәрвишләр бистәсенең Каенлыгында уздырылды. Спорт программасы күңел ачу чаралары һәм конкурслар белән төгәлләнде.

2015 елның 5 февралендә Табигатьтән файдалану өлкәсендә экологик күзәтчелек федераль дәүләти службасы идарәсе башлыгы Наталья Соколова, Россия табигать күзәтчелегенең Татарстан буенча идарәсе һәм Татарстан Экология һәм табигый байлыклар министрлыгы вәкилләре белән берлектә, Раиф монастыре каршындагы балалар корпусында тәрбияләнүчеләр өчен дәрес үткәрде. Н.Соколова балаларга табигатькә сак карарга кирәклек турында сөйләде. Анда шулай ук әйләнә-тирәлеккә һәм кеше тормышына чүп-чарның йогынтысы турында фильм да күрсәтелде.