ЯҢАЛЫКЛАР

2015 елның 14-17 апрелендә Мәскәүнең “Экспоцентр” күргәзмә комплексында Халыкара MosBuild төзелеш һәм интерьер күргәзмәсе бара. Аның кысаларында дәүләт хакимияте, бизнес һәм җәмәгать оешмалары вәкилләре күчемсез милек өлкәсендә экологик куркынычсызлыкны тәэмин итү, торак районнарның сыйфатын күтәрү өчен инженер-техник чишелешләр эзләү, “яшел технологияләр” иңдерү өчен матди-техник база формалаштыру мәсьәләләрен тикшерәләр. Шулай ук экологик куркынычсыз материалларның “GREEN BOOK” каталогы тәкъдим ителәчәк. Чараны EcoStandard group, “Яшел стандартлар экологик сертификация үзәге” Россия Федерациясе Табигый байлыклар һәм экология министрлыгы ярдәмендә оештырган. Конференциядә катнашучылар арасында – фән һәм эшмәкәрлек даирәләре, Россия һәм чит ил оешмалары, федераль һәм региональ кимәлдәге министрлыклар һәм 

Татарстан территорияләрен чистарту буенча санитар-экологик икеайлык кысаларында 10 апрельдә “РЖД” ААҖ Горький тимер юлының Казан бүлекчәсенең тимер юл полотносының һәм якын-тирә территорияләрнең санитар-экологик торышын тикшерү буенча рейд үткәрелде. Казан – Биектау – Юдино – Зөя тимер юл кисемтәсе тикшереп узылды. Рейд барышында 44 рөхсәтсез калдык ташлау урыны ачыкланды. Табигать законнарын бозуның шул фактлары буенча актлар төзелде, аларны бетерү дәверләре билгеләнде. Рейдта Татарстан экология һәм табигый байлыклар министры Артем Сидоров, Министрлыкның Үзәк территориаль идарәсе, Татарстан Урман хуҗалыгы министрлыгы, Горький тимер юлының Казан регионы, Татарстан буенча Россия Табигать күзәтчелеге идарәсе вәкилләре, Татарстан муниципаль берәмлекләре башлыклары катнашты.

Татарстан Экология һәм табигый байлыклар министрлыгында 2015 елгы Республика яшьләр форумының “Куркынычсызлык” мәйданчыгының “Экологик проблемаларны чишү. Экологик культура формалаштыру” секциясенең турыдан-туры катнашлы сайлау туры үткәрелде. Бу секция, узган еллардагы сыман ук, катнашучылары күпсанлы булу белән аерылып тора – аңа 93 проект тәкъдим ителгән.

Секциянең эшендә катнаштылар: Республика яшьләр форумының “Куркынычсызлык” мәйданчыгы җитәкчесе, МВД Юл хәрәкәте куркынычсызлыгы дәүләт инспекциясенең Татарстан идарәсе башлыгы Рифкать Миңнеханов, Республика яшьләр форумының «Куркынычсызлык» мәйданчыгының “Экологик проблемаларны чишү. Экологик культура формалаштыру” секциясе җитәкчесе, Татарстан экология һәм табигый байлыклар министры­ның беренче урынбасары Рөстәм Камалов, “Куркынычсызлык” мәйданчыгы экспертлары, Татарстан Экология һәм табигый байлыклар министрлыгы хезмәткәрләре, Татарстан Эчке эшләр министрлыгының Юл хәрәкәте куркынычсызлыгы дәүләт инспекциясе идарәсе хезмәткәрләре, “Экологик проблемаларны чишү. Экологик культура формалаштыру” секция­сенең “Куркынычсызлык” мәйданчыгы проектларының авторлары.

В Набережных Челнах специалисты Прикамского территориального управления Министерства экологии и природных ресурсов Республики Татарстан ознакомились с работой замкнутой системы слива нефтепродуктов  на автозаправочной станции ООО «Технология ЛТД». Система включает в себя сбор  паров моторного топлива из резервуаров и топливораздаточных колонок в автоцистерны для дальнейшего вывоза паров и их рекуперации на нефтебазах.

В рамках первого этапа - до конца 2015 года, субъекты нефтепродуктообеспечения ведут работы по оснащению принадлежащих им автозаправочных станций в соответствии со сроками утвержденных программ.

В Набережных Челнах на сегодняшний день данными системами оснащено 37 автозаправочных станций.

Работа, проводимая в данном направлении, позволит значительно снизить техногенную нагрузку и выбросы загрязняющих веществ в атмосферный воздух от объектов топливозаправочного комплекса.

Пресс-служба Министерства

Бу көннәрдә Мәскәүдә “Җир турындагы фәннәрдә яңа идеяләр” XII халыкара фәнни-гамәли конференциясе бара. Аны Серго Орджоникидзе исемендәге Россия дәүләт геологик эзләнүләр университеты оештырган. Геология һәм җир асты байлыкларыннан файдалану проблемаларына багышланган бу конференция кысаларында шундый фәнни секцияләр эшли:

– “геологик процесслар, стратиграфия, тектоника һәм геодинамика”;

– “утырым бассейннары һәм күмер, нефть, газ проблемалары”;

– “минералогия, петрография һәм геохимия”;

– “каты файдалы казылмалар геологиясе, аларны эзләү, минерагения”:

– “эзләнүләр геофизикасы һәм геоинформатикасы”;

– “сибелмә һәм диңгез яткылыкларының геотехнологиясе, экологиясе, аларны комплекслы үзләштерү”;

– “скважиналар бораулау технологиясе һәм техникасы”;

– “геоэтика, геоэкология һәм әйләнә-тирәлекне саклау” һәм башкалар.

Татарстан Югары судының суд коллегиясе Дәрвишләрдә битум түгелү факты буенча апелляция жалобасын карады. Суд карары буенча җинаять җаваплылыгына өч физик зат тартыла, аларга матди зыянны капларга туры киләчәк.

Белешмә өчен:

Татарстан Югары судының суд коллегиясе хөкем ителгән Д.И.Нургалиеваның Казан шәһәре Совет районы судының №1-277/14 җинаять эше буенча 15.12.2014 ел хөкеменә апелляция жалобасын карады. Жалоба канәгатьләндерелмәде, һәм хөкем карары Россия Федерациясе Җинаять-процесс кодексының 390 статьясы нигезендә 2015 елның 24 февраленнән закон көченә керде.

Татарстан Экология һәм табигый байлыклар министрлыгының Кама буе территориаль идарәсе белгечләре “ТрансНефтеПродукт” ҖЧҖнең Чаллының Машина төзүчеләр урамында урнашкан автоягулык станциясендә мотор ягулыгы парларын резервуарлардан һәм ягулык тарату колонкаларыннан арытаба нефть базасында рекуперацияләү өчен бензовозларга җыю системасы белән танышты.

2015 ел азагына кадәрге беренче этапта нефть продуктлары белән тәэмин итү субъектлары үз автоягулык станцияләрен программа срокларында җиһазлыйлар. Чаллыда бүгенгәчә мотор ягулыгы парларын тоту системасы белән инде 36 станция җиһазланган.

Татарстан Экология һәм табигый байлыклар министрлыгында еллык табигать саклау һәм экологик агарту акциясе башлану уңаеннан матбугат конференциясе үткәрелде. Анда катнаштылар: Татарстан Экология һәм табигый байлыклар министрлыгының экологик белем бирү һәм җәмәгатьчелек белән бәйләнешләр бүлеге башлыгы Дамир Вәлиуллин, Татарстан Урман хуҗалыгы министрлыгының “Чулпан” дәүләти табигать комплексы тыюлыгы директоры Фәнил Гыймадиев, Татарстанның Хайваннар дөньясы объектларын саклау һәм файдалану идарәсенең башкарма киңәшчесе Юрий Павлов, “Максидом” компаниясенең PR директоры Дарья Сергиенко.

“Сыерчыклар кайтты” еллык табигать саклау акциясенең төп вакыйгасы – сыерчык оялары һәм кош җимлекләре ясау буенча балалар конкурсы. Узган елларда ул берничә мең баланы, ата-ананы, укытучыны берләштерә иде. Конкурста катнашу өчен балалар ясаган кош ояларын хәзер шәһәребез урамнарында һәм паркларында күрергә мөмкин. Быел бу акция Казанда инде дүртенче тапкыр үткәрелә. Элеккечә, конкурста 6 яшьтән олырак булган һәм бала катнаша ала. Катнашуга гаризалар ВКонтакте http://vk.com/maxidom сайтындагы рәсми төркемдә, “Сыерчыклар кайтты конкурсы” темасында кабул ителә.

Хөрмәтле геологлар!

Сезне һөнәри бәйрәмегез белән чын күңелдән кайнар котлыйм!

Геолог көнендә Россия Федерациясендә геологик белешмәләрне бөртекләп туплаучы, экономика өчен гаять зур җир асты байлыкларын ачучы кешеләргә игътибар юнәлтелә. Бу бәйрәм үзләрен авыр да, бик кирәкле дә булган, көндәлек киеренке хезмәт, тирән теоретик белемнәр һәм ихлас бирелгәнлек сорый торган геолог һөнәренә багышлаган кешеләр өчен һәрчак күренекле вакыйга булды һәм шулай булып калыр.

Сезнең фидакарь хезмәтегез белән Россия экономикасының нигезен тәшкил иткән күп тармакларның эше өчен фундамент салынды. Бүгенге көндә бер генә җитди төзелеш тә алдан геологик нигезләүсез башкарыла алмый. Барлык дәверләрдә бу һөнәр ияләре лаеклы хөрмәт һәм дәрәҗә казанган. Геология бүген дә югары үскән, үз эченә куәтле геология-геофизика комплексын, заманча компьютер технологияләрен, һәм иң мөһиме – югары квалификацияле белгечләрне алган фән булып тора. Ул белгечләр үз белемнәрен һәм традицияләрен яшь буынга да тапшыра киләләр – Татарстан геологлары мәктәбенең дөньякүләм танылуы шул турыда сөйли.

2015 елның 1 апрелендә Татарстан Экология һәм табигый байлыклар министрлыгы­ның Кама буе территориаль идарәсе инспекторлары, Чаллы шәһәре Комсомол ЭЭБнең экономик җинаятьләргә каршы көрәш бүлеге хезмәткәрләре белән бергә, дәүләти экологик мониторинг кысаларында, Чаллы шәһәренең Комсомол районы территориясендә 7150 квадрат метр мәйданда гомуми таралган файдалы казылма (балчык) чыгаруны ачыклады.

Балчыкны Чаллының бер предприятиесе дәүләт номерлары булмаган HITACHI экскаваторы белән чыгарып, HYUNDAI төягече белән КамАЗларга төягән. Хәзерге вакытта бу хокук бозуга катнашлы затлар турында белешмәләр туплана. Барлыгы 100 мең тоннадан артык файдалы казылма чыгарылган. Алдан исәпләү буенча 22 миллион 659 мең 565 сумлык зыян салынган.