Татарстан Республикасы Министрлыклары Татарстан Республикасы Экология һәм табигать ресурслары министрлыгы

ЯҢАЛЫКЛАР

февраль, 2013 ел

сишәмбе

Татарстан Экология һәм табигый байлыклар министрлыгында Малайзия делегациясе булып китте

Татарстан Экология һәм табигый байлыклар министрлыгында рәсми визит белән Малайзиянең XYBASE компаниясе делегациясе булып китте. Аерым алганда – компаниянең вице-президенты Мелвин Локх, идарәче директоры Лим Хва Энг һәм тормышка иңдерү буенча эксперты Эрман Ваххаб.

февраль, 2013 ел

дүшәмбе

Тармак-ара эш төркеменең икенче утырышы булып узды

Татарстан Экология һәм табигый байлыклар министрлыгында, министр урынбасары Тимур Акчурин рәислегендә, Чабаксар сусаклагычының су кимәлен нормаль булган 68 метр билгесенә кадәр күтәрү аркасында ихтимал булган негатив йогынтыны киметү буенча карар әзерләү максатыннан, Татарстан Республикасы Министрлар Кабинетының 17.09.2012 № 1680-р карары белән төзелгән Тармак-ара эш төркеменең икенче утырышы булып узды.

февраль, 2013 ел

чәршәмбе

Аукцион комиссиясе утырышы булып узды

19 февральдә Татарстан Экология һәм табигый байлыклар министрлыгында, “Татарстан Республикасы Чүпрәле муниципаль районындагы “Городище” җир асты байлыклары участогыннан файдалану хокукына аукцион үткәрү турындагы” 15.01.2013 № 28-п, “Татарстан Республикасы Әлмәт муниципаль районындагы “Ямаш” җир асты байлыклары участогыннан файдалану хокукына аукцион үткәрү турындагы” 15.01.2013 № 29-п, “Татарстан Республикасы Ютазы муниципаль районындагы Дымтамак чыганагының көнбатыш участогыннан файдалану хокукына аукцион үткәрү турындагы” 16.01.2013 № 30-п, “Татарстан Республикасы Саба муниципаль районының “Урта Саба” җир асты байлыклары участогыннан файдалану хокукына аукцион үткәрү турындагы” 17.01.2013 № 33-п боерыкларына ярашлы рәвештә, Аукцион комиссиясе утырышы булып узды, анда, җир асты байлыклары участокларыннан файдалану хокукына аукционнарда катнашу гаризаларын теркәү максаты белән, пичәтләнгән конвертлар ачылды

февраль, 2013 ел

сишәмбе

Чаллы һәм Түбән Кама бик пычрак һавалы шәһәрләр исемлегеннән чыкты

Россия Табигать министрлыгының рәсми сайтында “2011 елда Россия Федерациясендә әйләнә-тирәлекнең торышы һәм сакланышы” дигән дәүләти доклад чыгарылды. Ул Европа Берлеге илләрендә кулланыла торган экономик, экологик һәм социаль системаларның үзара йогынтысын чагылдыручы бердәм экологик белешмәләрне исәпкә алып әзерләнгән.

февраль, 2013 ел

дүшәмбе

«Елгалар, су һәм тереклек өчен!»

Азнакай шәһәре гимназиясендә Елгаларны, суларны һәм тереклекне саклау көненә багышланган, девизы да “Елгалар, су һәм тереклек өчен” дип аталган ачык чара үткәрелде. Анда 1-5 класс укучылары үзләренең экологик сәләтләрен күрсәттеләр.

февраль, 2013 ел

җомга

Чистайда Экологик культура елы һәм Туган якны сөю елы ачылды

Чистай шәһәрендә, 3нче гимназия базасында “Татарстан Республикасының экологик культура һәм әйләнә-тирәлекне саклау елын һәм муниципаль районда Туган якны сөю елын ачабыз” дигән фәнни-практик семинар булып узды. Аны “Рус географик җәмгыяте” Бөтенроссия җәмәгать оешмасының җирле бүлекчәсе оештырды. Семинарда Идел-Кама территориаль идарәсе хезмәткәрләре, шәһәр һәм район җитәкчеләре, Казан федераль университетының география кафедрасы доцентлары, район предприятиеләре һәм службалары җитәкчеләре, урта мәктәп укучылары актив катнашты.

февраль, 2013 ел

пәнҗешәмбе

Татарстан Экология һәм табигый байлыклар министрлыгы сайты

Татарстан Экология һәм табигый байлыклар министрлыгы сайты “Иң яхшы Татарстан Республикасы башкарма хакимият органы сайты” номинациясендә, Татарстан Саулык саклау министрлыгының рәсми Интернет битеннән берничә баллга гына калышып, II урынны алды. Eco.tаtarstan.ru үзенә керүләр, контент сыйфаты һәм бирелә торган мәгълүмәтнең яңалыгы буенча рәсми республика сайтлары арасында икенче ел инде лидерларның берсе булып тора. Исегезгә төшерәбез – 2011 ел йомгаклары буенча министрлыкның сайты Татарстан башкарма хакимият органнарының их яхшы сайты дип танылган иде.

февраль, 2013 ел

чәршәмбе

Идел буе федераль округы субъектлары министрлыклары һәм ведомстволары җитәкчеләрен Татарстандагы табигать саклау эшчәнлеге белән таныштыру

ИТ-паркта Идел буе федераль округы субъектлары министрлыклары һәм ведомстволары җитәкчеләренең Россия Федерациясе табигый байлыклар һәм экология министры Сергей Донской белән очрашуы булып узды.

Алар иң эре Татарстан предприятиеләрендә табигать саклау эшчәнлеге күргәзмәсен дә карадылар. Кунакларга монда шулай ук информацион технологияләр иңдерү өлкәсендәге яңа казанышлар, экологик белем бирү, “Татарстан Республикасының экологик картасы” системасы һәм Татарстанда рөхсәтсез чүплекләргә һәм табигать саклау законнарын башкача бозуларга каршы нәтиҗәле көрәшергә ярдәм итә торган “Халык контроле” системасы турында сөйләделәр.

Россия Федерациясе табигый байлыклар һәм экология министры Сергей Донскойны табигать саклау эшчәнлеге белән таныштыру

Россия Федерациясе табигый байлыклар һәм экология министры Сергей Донской үзенең эш визиты кысаларында ТИ-паркта Татарстан Экология һәм табигый байлыклар министрлыгы оештырган күргәзмәне карады. Анда аңа иң эре Татарстан предприятиеләренең табигать саклау өлкәсендәге алдынгы казанышлары күрсәтелде. Мәсәлән, “Татнефть” компаниясе үзенең калдыклар белән эш итү җайланмаларын, Түбән Кама индустрия узелының бердәм санитар саклану зонасын, җитештерүдә экологик күзәтчелек системасын, су ресурсларын саклаудагы инновацион технологияләрен күрсәтте. “ТАИФ-НК”, “Казаноргсинтез”, “ТАНЕКО”, “Түбән Кама-нефтехим” предприятиеләре дә үзләренең табигать саклау эшчәнлекләрен тәкъдим иттеләр.

февраль, 2013 ел

сишәмбе

2012 елгы эш йомгаклары буенча коллегия утырышы

Бүген Татарстан Министрлар Кабинетында Татарстан Экология һәм табигый байлыклар министрлыгы коллегиясенең “Татарстан Республикасы Экология һәм табигый байлыклар министрлыгының 2012 елгы эш йомгаклары һәм 2013 елга бурычлары турында” дип аталган утырышы булып узды.

Коллегиядә Россия Федерациясенең табигый байлыклар һәм экология министры Сергей Донской, Татарстан Республикасы Президенты Рөстәм Миңлеханов, Су ресурслары федераль агентлыгы җитәкчесе Марина Селиверстова, Идел регионара табигать саклау прокуратурасы прокуроры Вера Солдатова, Россия Федерациясе Президентының Идел буе федераль округындагы вәкаләтле вәкиле урынбасары Алексей Сухов, Идел буе федераль округы субъектлары министрлыкларының һәм ведомстволарының җитәкчеләре катнашты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ