Татарстан Республикасы Экология һәм табигать ресурслары министрлыгы

Идел буе федераль округы субъектлары министрлыклары һәм ведомстволары җитәкчеләрен Татарстандагы табигать саклау эшчәнлеге белән таныштыру

2013 елның 13 феврале, чәршәмбе

ИТ-паркта Идел буе федераль округы субъектлары министрлыклары һәм ведомстволары җитәкчеләренең Россия Федерациясе табигый байлыклар һәм экология министры Сергей Донской белән очрашуы булып узды.

Алар иң эре Татарстан предприятиеләрендә табигать саклау эшчәнлеге күргәзмәсен дә карадылар. Кунакларга монда шулай ук информацион технологияләр иңдерү өлкәсендәге яңа казанышлар, экологик белем бирү, “Татарстан Республикасының экологик картасы” системасы һәм Татарстанда рөхсәтсез чүплекләргә һәм табигать саклау законнарын башкача бозуларга каршы нәтиҗәле көрәшергә ярдәм итә торган “Халык контроле” системасы турында сөйләделәр.

Аннан соң Идел буе федераль округы субъектлары министрлыкларының һәм ведомстволарының җитәкчеләре, Татарстан экология һәм табигый байлыклар министрының беренче урынбасары Рөстәм Камалов җитәкчелегендә, Универсиада Авылын карадылар. Универсиада Авылы – 2013 елгы Универсиаданың төп объектларыннан берсе, Уеннар үткәрү вакытында спортчыларның һәм делегация җитәкчеләренең яшәү урыны булып тора.

Монда кунакларга яңа чүп-чар җыю системасы тәкъдим ителде. Универсиада Авылы территориясендә FAUN чүп-чар ташыгычлары 8 кублы бункерларны һәм чүп-чар контейнерларын төяп күрсәттеләр. Делегация шулай ук ИТ-лицейда булды, анда укучылар үзләренең проектларын күрсәттеләр һәм әйләнә-тирәлекне саклау өлкәсендәге идеяләре белән уртаклаштылар.

Кунакларга шулай ук әйләнә-тирәлеккә күзәтчелек өчен кулланыла торган махсус техника һәм җиһазлар күрсәтелде, аларны атмосфера һавасы пычрануга контрольнең күчмә һәм стационар постлары белән таныштырдылар.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ