Татарстан Экология һәм табигый байлыклар министрлыгында Малайзия делегациясе булып китте

2013 елның 26 феврале, сишәмбе
Татарстан Экология һәм табигый байлыклар министрлыгында рәсми визит белән Малайзиянең XYBASE компаниясе делегациясе булып китте. Аерым алганда – компаниянең вице-президенты Мелвин Локх, идарәче директоры Лим Хва Энг һәм тормышка иңдерү буенча эксперты Эрман Ваххаб.
Делегация белән очрашуны Татарстан экология һәм табигый байлыклар министрының инвестиция-инновация эшләре буенча урынбасары Равил Кузюров үткәрде, анда министрлыкның структур тармаклары вәкилләре дә катнашты.
XYBASE компаниясе делегациясе Малайзиядән Татарстанга инвестицион проектларга күзәтчелек буенча электрон система төзү өчен килгән иде. XYBASE – төп эшчәнлеге электрон системаларны интеграцияләү һәм интеллектуаль карар кабул итү системалары төзү буенча хезмәтләр күрсәтү булган Малайзия компаниясе ул. Компания “бер тәрәзә” принцибына нигезләнгән “BLESS” бизнес процессларын электрон тәэмин итү системасын эшләгән, ул исә Малайзиядә бизнесның дәүләт органнары белән бәйләнеше һәм уңайлы инвестиция климаты формалаштыру мәсьәләләрендә үзенең нәтиҗәлелеген исбатлаган. “BLESS” ярдәмендә компанияләр, офистан чыкмыйча гына, Интернет порталы аша теге яки бу лицензияне алуга гариза бирергә, аның каралышын онлайн режимда күзәтеп барырга мөмкиннәр.
XYBASE белгечләренең Татарстан Экология һәм табигый байлыклар министрлыгына визитының төп максаты булып аның эшчәнлек вәкаләтләре белән җентекләп танышу, шулай ук әйтеп үтелгән электрон системаларны республика территориясендә иңдерү буенча уртак гамәлләр әзерләү торды.
Малайзия кунакларына министрлыкның һәм аның структур тармакларының эшчәнлеге, информацион технологияләр иңдерү өлкәсендәге яңа эшләнмәләр, “Татарстан Республикасының экологик картасы” системасы, рөхсәтсез чүплекләргә һәм табигать саклау законнарын бүтәнчә бозуларга каршы нәтиҗәле көрәшергә булыша торган “Халык контроле” системасы турында сөйләделәр. Аерым алганда, кунакларны министрлыкны инвестицион эшчәнлеккә җәлеп итү кызыксындырды. XYBASE компаниясе вәкилләрен инвестицион проектларны тормышка ашыру өчен дәүләт хезмәтләре күрсәтүнең тәртибе белән җентекләп таныштырдылар.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International