Россия Федерациясе табигый байлыклар һәм экология министры Сергей Донскойны табигать саклау эшчәнлеге белән таныштыру

2013 елның 13 феврале, чәршәмбе
Россия Федерациясе табигый байлыклар һәм экология министры Сергей Донской үзенең эш визиты кысаларында ТИ-паркта Татарстан Экология һәм табигый байлыклар министрлыгы оештырган күргәзмәне карады. Анда аңа иң эре Татарстан предприятиеләренең табигать саклау өлкәсендәге алдынгы казанышлары күрсәтелде. Мәсәлән, “Татнефть” компаниясе үзенең калдыклар белән эш итү җайланмаларын, Түбән Кама индустрия узелының бердәм санитар саклану зонасын, җитештерүдә экологик күзәтчелек системасын, су ресурсларын саклаудагы инновацион технологияләрен күрсәтте. “ТАИФ-НК”, “Казаноргсинтез”, “ТАНЕКО”, “Түбән Кама-нефтехим” предприятиеләре дә үзләренең табигать саклау эшчәнлекләрен тәкъдим иттеләр.
Кунаклар шулай ук информацион технологияләрне кулланышка кертү һәм экологик белем бирү өлкәсендәге яңа казанышлар белән таныштылар. Казанның 70нче мәктәбе укучылары үзләренең әйләнә-тирәлекне саклау өлкәсендәге тикшеренүләре белән уртаклаштылар. Татарстан Экология һәм табигый байлыклар министрлыгы белгечләре Сергей Донскойга “Татарстан Республикасының экологик картасы” дигән системаны, рөхсәтсез чүплекләр һәм табигатьне саклау законнарын башкача бозулар белән нәтиҗәле көрәшергә ярдәм итә торган “Халык контроле” системасын тормышка ашырудагы соңгы үзгәрешләрне күрсәттеләр.
Күргәзмәдән соң Сергей Донской Универсиада Авылын карады. Аңа монда Татарстанның әйләнә-тирәлекне саклау һәм экологик культура Елы кысаларында Бөтендөнья җәйге Универсиадасына әзерлекнең ничек баруы турында сөйләделәр. Министр студентларның яшәү шартлары белән дә танышты. Аңа шулай ук әйләнә-тирәлеккә күзәтчелекнең күчмә һәм стационар постларын күрсәттеләр. Авыл территориясендә кунаклар каты көнкүреш калдыкларын җыю һәм чыгару өчен яңа махсус техниканың эше белән дә таныштылар.
Татарстан экология һәм табигый байлыклар министры Артем Сидоров һәм урман хуҗалыгы министры Наил Мәһдиев белән бергә Сергей Донской Саба муниципаль районында да булды, моңда аңа Европада иң эре булган урман орлыкчылыгы комплексын күрсәттеләр.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International