Чистайда Экологик культура елы һәм Туган якны сөю елы ачылды

2013 елның 15 феврале, җомга
Чистай шәһәрендә, 3нче гимназия базасында “Татарстан Республикасының экологик культура һәм әйләнә-тирәлекне саклау елын һәм муниципаль районда Туган якны сөю елын ачабыз” дигән фәнни-практик семинар булып узды. Аны “Рус географик җәмгыяте” Бөтенроссия җәмәгать оешмасының җирле бүлекчәсе оештырды. Семинарда Идел-Кама территориаль идарәсе хезмәткәрләре, шәһәр һәм район җитәкчеләре, Казан федераль университетының география кафедрасы доцентлары, район предприятиеләре һәм службалары җитәкчеләре, урта мәктәп укучылары актив катнашты.
Семинарның эше “География һәм экология дәресе” һәм “География укытуда заманча информацион технологияләр” дигән ике блок буенча алып барылды. Катнашучылар әйләнә-тирәлеккә һәм Җиргә катнашлы проблемаларны тикшерделәр, шәһәр җитәкчеләре белән берлектә аларны чишү юлларын эзләделәр. Идел-Кама территориаль округы белгечләре мәктәп укучыларына республиканың экологик торышы турында сөйләделәр, аларны кызыксындырган сорауларга җавап бирделәр. Күп кенә балалар табигать байлыкларын саклау һәм яклау буенча үз идеяләрен дә тәкъдим иттеләр. Семинардан соң анда катнашучылар өчен “Өяз сәүдә шәһәренең архитектурасы” дигән экскурсия үткәрелде. Алар шулай ук шәһәр музеен карадылар, монда Чистайның барлыкка килүе турында күп нәрсәләр белделәр.
Оештыручыларның фикеренчә, мондый семинарлар әйләнә-тирәлеккә җаваплы караш тәрбияли һәм яшьләрне туган як табигатен өйрәнү һәм саклау буенча актив эшчәнлеккә тартырга булыша.
Идел-Кама территориаль идарәсе материаллары буенча.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International