ЯҢАЛЫКЛАР
Табигатьне сакларга башлангыч класс укучылары өнди. Өлкән буыннарга үз теләкләрен алар рәсемнәр аша тапшыралар. Татарстанда “Балалар илне сүрәтли” дигән 7нче республика телевидение конкурсы үткәрелә. Быелгы темалар Экологик культура һәм әйләнә-тирәлекне саклау елына һәм Универсиадага багышланган. Конкурсның чираттагы этабы Чистай шәһәрендә булып үтте.
Чаллыда гражданнарны кабул итү үткәрелде. Автошәһәрдә яшәүчеләрнең сорауларына Татарстан экология һәм табигый байлыклар министрының беренче урынбасары Рөстәм Камалов җавап бирде. Атап әйткәндә, медицина калдыкларын һәм битумны утильләштерү тәртибе белән кызыксынучылар булды. Мәсьәлә буенча эш алып барыла. Рөстәм Камалов шулай ук “Халык контроле” проекты турында ди искә төшерде.
3 апрельдә 11.00дә Татарстан Экология һәм табигый байлыклар министрлыгында (Павлюхин ур., 75) “Сыерчыклар килде” акциясе башлануга багышланган матбугат конференциясе була. Акция Татарстан Экология һәм табигый байлыклар министрлыгы һәм “Максидом” компаниясе ярдәмендә үткәрелә.
Халыкара Кошлар көне ел саен 1 апрельдә, ЮНЕСКОның “Кеше һәм биосфера” программасы кысаларында үткәрелә. Алдагы көндә Казан зоопаркында бәйрәм булып узды, анда килүчеләрне күчмә кошлар турында кайгыртырга, алар өчен оялар корырга акырдылар.