Чистайда су объектларында табигатьне саклау законнары турында фикер алыштылар.

“Климат атналарын” федераль һәм региональ дәрәҗәдә уздыру 2017 елның 15нче маеннан 15нче июненә кадәр булачак. Мероприятие игътибарны климатның глобаль җылыну проблемаларына җәлеп итү һәм парник газлары чыгармаларын киметү өлкәсендә, климат үзгәрешләренә каршы тору һәм аларга адаптация, халыкара климат темасы диалогында катнашу һәм климат эшчәнлегенең башка юнәлешләрендә башкарыла һәм планлаштырыла торган чаралар, инновацион чишелешләр һәм ирешелгән нәтиҗәләр турында мәгълүмат бирүгә  юнәлтелә.

Экология елы кысаларында Автошәһәрдә 5-8 сыйныф укучыларының “Ломоносов укулары” VIII республика фәнни-гамәли конференциясе узды. Татарстан укучылары өчен Яр Чаллының Шәһәр балалар экология-биология үзәге эзләнү мәйданчыгы булды. 250дән артык бала фәнни-эзләнү эшенә кызыксыну белдергән һәм конкурска үз проектларын тәкъдим иткән. Конферецияне ачканда, Татарстан Республикасы Экология һәм табигый байлыклар министрлыгының Кама буе территориаль идарәсе белгечләре сәламләү сүзе белән чыгыш ясады. Алар эзләнү эшчәнлегенең балаларга экологик тәрбия бирүдә аерым роль уйнаганлыгын билгеләп үтте: балаларның әйләнә-тирә мохиткә карата кызыксынуын, табигый фәннәр дисциплиналарына иҗади якын килүне үстерә, шәхси сыйфатларны үстерүдә булыша. 

Алдагы шимбәдә Татарстанда санитар-экологик икеайлык старт ала. Бу турыда бүген Татарстан Республикасы Министрлар Кабинетында республиканың экология һәм табигый байлыклар министры Фәрит Габделганиев хәбәр итте. Ике ай эчендә республика территорияләре экологик куркынычсызлык һәм халыкның санитар-эпидемиологик куркынычсызлыгы таләпләренә туры килә торган хәлгә китерелергә тиеш.

Казан укучылары туган шәһәрләренең әйләнә-тирә мохитен саклауга үз өлешен кертергә әзер. Казанны экологиклаштыру турында үз идеяләрен алар Знче гимназиядә укучыларның “Фәнгә адым: Табигать. Кеше. Акыл” XII Шәһәр фәнни-гамәли конференциясендә әйттеләр. Катнашучылар мәктәп яны территориясен яшелләндерү, шәһәр урамнарын төзекләндерү, Урта Кабан күле акваториясе пычрануны бетерү буенча проектларын тәкъдим иттеләр. “Минем тирәдәге табигать һәм минем аңа карата актив мөнәсәбәтем” секциясендә тәкъдим ителгән эшләр: “Әкиятләрдә экология яки Бәләкәй балыкның сәяхәте”, “Экошәһәр – киләчәк шәһәре”, “Яраткан мәктәп ишегалды - «Zеленая зона»” проектлары жюриның югары бәясен алды. Мероприятиедә почетлы кунаклар сыйфатында Татарстан Республикасы Экология һәм табигый байлыклар министрлыгының Үзәк территориаль идарәсе белгечләре катнашты. Экологлар укучыларның проектлары актуальлек һәм оригинальлеге белән аерылып торуын билгеләде. Аларны,   хаклы рәвештә, күпфункцияле дип атарга була.

Апас районында яшәүче берәүгә, табигать саклау өлкәсендә закон бозгач түләмәгән штрафы өчен, чит илгә чыгуда чикләүләр куелды. 2016 елның июлендә ул Татарстан Республикасы Экология һәм табигый байлыклар министрлыгының Идел аръягы территориаль идарәсе хезмәткәрләре тарафыннан РФ Административ хокук бозулар кодексының 7.3 маддәсенең 1 өлеше “Җир асты байлыкларыннан җир асты байлыкларыннан файдалануга лицензиясез файдалану”  буенча

Татарстан укучылары табигать саклау, экологик агарту буенча, иҗади проектларның икенче Бөтенроссия конкурсында катнашырга чакырыла. Мероприятиенең оештыручысы булып Россия Федерациясе Табигый ресурслар һәм экология министрлыгы булышлыгы белән “Синең табигать” Автономияле коммерцияле булмаган оешмасы тора. Конкурс үзләрен экология, әйләнә-тирә мохитне саклау өлкәсендә күрсәткән һәм 2017 елның 27-28 маеннан 17-18 июненә кадәр “Артек” Халыкара балалар үзәгендә уздырылачак экологик сменага путевкалар белән бүләкләнергә лаеклы укучыларны ачыклау максатында үткәрелә.

Арча шәһәренең 9нчы балалар бакчасында тәрбияләнүчеләр Тылсымчы Су белән бергә ЭКОәкияттә булдылар. Балалар өчен танып-белү чарасын тәрбиячеләр Татарстан Республикасы Экология һәм табигый байлыклар министрлыгының Төньяк территориаль идарәсе белгечләре белән берлектә уздырды. Табигатьнең чын могҗизасы белән танышу интерактив формада барды. 

Бүген Татарстан Республикасы Экология һәм табигый байлыклар министрлыгында министр Фәрит Габделганиев рәислегендә Ришвәтчелеккә каршы тору комиссиясе утырышы булды.

Яр Чаллының Балалар экология-биология үзәге яшь экологлар, биологлар, зоологлар өчен, әйләнә-тирә мохитне саклауга битараф булмаган бөтен кеше өчен үз ишекләрен ачты. Автошәһәрдә кече яшьтәге мәктәп балалары өчен IV Региональ фәнни-гамәли экологик конференция “Юннат-2017” булды. Мероприятиедә Татарстанның 180 эзләнүчесе һәм педагоглары катнашты. Конференциядә катнашучыларга сәламләү сүзе белән Татарстан республикасы Экология һәм табигый байлыклар министрлыгының Кама буе территориаль идарәсе хезмәткәрләре мөрәҗәгать итте.