ЯҢАЛЫКЛАР

24 ноябрьдә Казанда яшьләрнең “Чиста караш” 5нче Ачык республика социаль экологик рекламалар конкурсына йомгак ясаячаклар. Быел конкурста илнең 41 регионыннан 1300дән артык яшь кеше катнашты.

2017 елның 30 ноябре - 1 декабрендә “Казан ярминкәсе” күргәзмәләр үзәгендә «Чиста су. Казан» VIII махсуслаштырылган күргәзмәсе һәм конгрессы узачак. Әлеге чара Татарстан Республикасы Экология һәм табигый байлыклар министрлыгы һәм Татарстан Республикасы Төзелеш, архитектура һәм торак-коммуналь хуҗалык министрлыгы тарафыннан Татарстан Республикасы Хөкүмәте, Су хуҗалыгы буенча федераль дәүләт бюджет учреждениесе «Средволгаводхоз», “Казан ярминкәсе” ААҖ ярдәме белән үткәрелә.

Бүген Югары Осланда реконструкциядән соң биологик чистарту корылмаларын ачтылар. Башкарылган эшләрнең сыйфаты белән Татарстан Республикасы Экология һәм табигый байлыклар министры Фәрит Габделганиев танышты. Ул заманча чистарту корылмаларының республиканың экологик иминлеген тәэмин итүдә төп рольне уйнавы турында әйтте. “Югары Ослан Идел елгасы ярына урнашканлыктан, юынтык-агынты суларны чистарту сыйфатын яхшырту буенча күрелгән чаралар эре сулыкны пычратудан саклау мөмкинлеге бирә”, -диде Татарстанның экология министры.

Бүген Татарстан Республикасы экология һәм табигый байлыклар министры Фәрит Габделганиев Югары Ослан районының Келәнче елгасы ярын ныгыту эшләре барышы белән танышты. Әлеге территориядә эшләр 2017 елның икенче яртысында халыкны язгы ташудан саклау һәм янгынга каршы су тәэминатын булдыру максаты белән башкарылды. Моннан тыш, җир плотина һәм дамба төзү ике торак пунктны – Келәнчене һәм Новлянканы тоташтыра торган юлны ремонтлауга юнәлтелгән иде. 

Татарстан Республикасы Экология һәм табигый байлыклар министрлыгының Көньяк-көнчыгыш территориаль идарәсе инспекторлары вертолетта очып тикшерү барышында төзелеш чүпләре һәм сәнәгать калдыклары өемнәрен ачыклады. Әлмәт прдприятиеләреннән берсенең территориясе автомобиль шиннары, кара металл ватыклары, синтетик материаллар һәм иске көнкүреш техникасы белән тулган. Экологлар исәпләве буенча, чүплекләрнең гомуми мәйданы 4500 кв.м тәшкил иткән. 

Тукай районының коммуналь предприятиесе әйләнә-тирә мохиткә 2 миллион сумлык зыян китергән. Новотроицк авылында юынтык-агынты суларын агызып ташлау фактын Татарстан Республикасы Экология һәм табигый байлыклар министрлыгының Кама буе территориаль идарәсе инспекторлары Россия ЭЭМ Тукай районы буенча бүлеге белән берлектә быелның апрелендә ачыкладылар. Рейд барышында җирле предприятиенең канализация агынтылары, җирлек рельефына агып чыгып, Чаллы елгасына эләгүе ачыкланды. Аналитик контроль буенча махсуслаштырылган инспекция белгечләре алынган су пробаларында аммоний ионнары буенча концентрацияләрнең рөхсәт ителгән чиге нормалары бозылуны билгели. 

Экология һәм география өлкәсендә милли “Хрусталь компас” премиясе алу өчен заявкалар кабул итү башланды. Россия Федерациясе һәм башка дәүләтләрнең 2017 елда география һәм экология, табигый һәм тарихи-мәдәни мирасны саклау һәм популярлаштыру өлкәсендә проектларны тормышка ашырган гражданнары, иҗади берлекләре, илебез һәм чит ил оешмалары һәм предприятиеләре номинантлар була ала.

Бүген Татарстан Республикасы Экология һәм табигый байлыклар министрлыгының барлык территориаль идарәләрендә Ачык ишекләр көне узды. Республикада яшәүчеләрнең сорауларына министр Фәрит Габделганиев, идарәләр башлыклары һәм белгечләре җавап бирде. Он-лайн кабул итү барышында калдыкларны аерым җыю һәм иҗимагый экологик хәрәкәтләр эше мәсьәләләренә кагылдылар, табигать саклау өлкәсендә хокук бозуларны ачыклау һәм булдырмау буенча аңлатулар бирелде. 

Мамай узган диярсең. Казандагы Карбышев, 28 ишегалдындагы хәл турында шулай әйтергә була. Каты көнкүреш калдыклары, агач әйберләр, эштән чыккан автомобиль покрышкалары, төзелеш калдыклары, иске җиһаз 300 м2дан артыграк мәйданлы чүплек барлыкка китергән. Калдыкларны законсыз урнаштыруны Татарстан Республикасы Экология һәм табигый байлыклар министрлыгының Үзәк территориаль идарәсе инспекторлары теркәде. Экологлар әлеге участокта чүплекнең йорт яны корылмаларын сүтү нәтиҗәсендә барлыкка килгәнлеген ачыклады. 

Татарстанның ике шәһәре – Яр Чаллы һәм Казан Россия шәһәрләренең 2016 елда экологик үсеше рейтингында лидерлар булды. Тикшерү нәтиҗәләрен бүген “Россия бүген” информация агентлыгында матбугат конференциясендә әйттеләр, ул Россия Федерациясе Табигый ресурслар һәм экология министрлыгы һәм Гомумроссия халык фронты вәкилләре катнашында узды.