ЯҢАЛЫКЛАР
Бүген республиканың Саба һәм Теләче районнарында гражданнарны кабул итү барышында әйләнә-тирәлекне саклау һәм гомумтаралган файдалы казылмалардан шәхси ихтыяҗлар өчен файдалану тәртибе турында мәсьәләләр күтәрелде. Халык сорауларына Татар табигать саклау районара прокуроры Илсур Гыйльметдинов, Татарстан Республикасы экология һәм табигый ресурслар министрының җир асты байлыкларыннан файдалану буенча урынбасары Радик Гайнетдинов, ТР Экоминистрлыгының Төньяк территориаль идарәсе башлыгы Радик Шагиәхмәтов җавап бирде.
Экологик проблемаларга яшьләрнең игътибарын җәлеп итү һәм аларны табигатебезгә карата сакчыл карарга өйрәтү. Зәй муниципаль районындагы "Чиста булачак" яшьләр экология хәрәкәте активистлары шушы максат белән "Батарейка тапшыр" ЭКОпроектын башлап җибәрде. Беренче кабул итү пунктларын Яшьләр эшләре идарәсендә һәм Зәй политехника көллиятендә урнаштырганнар. Контейнерлар тулгач, яраксызланган ток чыганаклары эшкәртү һәм утильләштерү үзәкләренә озатылачак.
Һәркемгә белергә кирәк! Батарейкаларда кургаш, цинк, терекөмеш, никель, кадмий, марганец бар һәм, болар әле – авыр металларның тулы исемлеге түгел. Яраксызланган ток чыганагы беренче куркынычлылык классына карый. Әйтик, бер бармакчалы батарейка 20 кв. м. җирне пычрата һәм 400 л. артык суны агуларга сәләтле. Авыр металлар организмда туплану үзлегенә ия һәм сәламәтлеккә зыян китерә ала. Состав элементларына аерылган батарейкалар яңаларын әзерләү өчен җибәрелә, бу исә чималны һәм энергияне сакларга, әйләнә-тирә мохитне зарарлы һәм куркыныч калдыклардан сакларга ярдәм итә. Эшкәртүе мөмкин булмаган очракта элементлар куркынычсыз рәвештә утильләштерелә.
Дөньяның барлык почмакларыннан меңнән артык белгеч һәм галим тау сәнәгате өлкәсендә эш тәҗрибәсе белән уртаклашу һәм инновацияләр хакында фикер алышу өчен Мәскәүгә җыелачак. 2018 елның 15 сентябреннән 21енә кадәр Халыкара сәүдә үзәгендә Файдалы казылмаларны баету буенча XXIX халыкара конгрессы IMPC 2018 булачак.
2018 елның 15-18 май көннәрендә Түбән Новгородта "Бөек елгалар" (экологик, гидрометеорологик, энергетика куркынычсызлыгы) ’ICEF" 20 нче халыкара фәнни-сәнәгый форумы узачак. Форум тармактагы алдынгы технологияләрне күрсәтү,
2018 елның 27-28 апрель көннәрендә Якутскиның М.К. Аммосов исемендәге Төньяк-Көнчыгыш федераль университетында яшьләрнең "Геофәннәр: проблемалар, казанышлар һәм үсеш перспективалары" россиякүләм фәнни-гамәли конференциясе булачак. Чарада студентлар, магистрантлар, аспирантлар һәм яшь галимнәр катнашачак.
Агынты су ташлауга чик куелды. Канализация челтәрләрен баланста тотучы "Водоканал" МУП тарафыннан төне буе авария аркасында барлыкка килгән нәтиҗәләрне бетерү эшләре алып барылды. Исегезгә төшерик, Татарстан Республикасы Экология һәм табигый ресурслар министрлыгының Үзәк территориаль идарәсе инспекторлары шушы көннәрдә җирле халык мөрәҗәгате нигезендә хокук бозу очрагын теркәде.
Бүген, санитар-экологик икеайлык кысаларында, Татарстан Республикасы экология һәм табигый ресурслар министры Александр Шадриков вертолет белән республика территориясен карап чыкты. Буа, Чүпрәле, Алексеевск, Яңа Чишмә, Аксубай, Апас, Тәтеш, Югары Ослан, Чистай районнары инспекцияләнде. Барлыгы 87 чүплек урыны ачыкланды. Министр билгеләгәнчә, санитар-экологик икеайлык башланганнан бирле санкцияләнмәгән рәвештә чүплек урнаштырылган 209 урын ачыкланды, шуларның зур өлеше – авиаочыш нәтиҗәсендә.
Татарстан Республикасы Экология һәм табигый ресурслар министрлыгына кайнар линия телефоны аша Кукмара районындагы Бура елгасына агынты су ташлануы хакында хәбәр килеп иреште.
19 апрельдә Татарстан Республикасы экология һәм табигый ресурслар министры урынбасары Радик Гайнетдинов һәм Татар табигать саклау районара прокуроры Илсур Гыйльметдинов Саба һәм Теләче районнарында гражданнарны кабул итәчәк.
Бүген Татарстан Республикасы Экология һәм табигый ресурслар министрлыгының Үзәк территориаль идарәсе инспекторлары "Борисоглебское" аэродромы янәшәсендә агынты ташлануын, ахыр чиктә аның Казансу елгасына килеп эләгү фактын ачыклады. Рейд барышында билгеләнгәнчә, 1000 м2 артык урында туфрак канализация агынтылары белән пычранган.