ЯҢАЛЫКЛАР
Әлмәтнең 15нче балалар акчасына йөрүче нәниләр өчен экология белемнәре көне үткәрелде. Барлык төркемнәрдә тематик дәресләр: урта төркемдә – “Урманда үз-үзеңне тоту кагыйдәләре”, өлкән сыйныфларда – “Табигать – безнең йортыбыз!” дигән экологик викторина, әзерлек төркемендә – “Без – табигать дуслары” дигән темага дәрес үткәрелде.
Зәй районының “Красная шапочка” балалар бакчасына йөрүче сабыйлар экология буенча ачык дәресләрдә табигать турында тәүге белемнәрен, шулай ук сынау, күзәтү буенча тәүге күнекмәләрен үзләштерә. “Экояз – 2019” кысаларында балалар учреждениесендә экология чарасы уздырылды.
Урманнарны яңарту идеясен хуплау, республикабызның урман ресурсларын тулыландыру. Татарстан Республикасы Экология һәм табигать ресурслары министрлыгы хезмәткәрләре “Агач утырту көне” табигатьне саклау акциясендә катнашты.
Ел башыннан бирле Республика экологик иҗтимагый кабул итү бүлмәсенә 2368 мөрәҗәгать кергән. Шуның күпчелеге – 1185е – “Мәктәп экопатруле” мобиль кушымтасы аша. Экологлар “Халык контроле” системасы аша 398 мөрәҗәгатьне, WhatsApp, Telegram, Eco.signal элемтә каналлары, “Кайнар линия” телефоны аша 70 хәбәрне карап тикшергән. Гражданнарны шәхсән кабул итүләр барышында һәм Министрлыкның кабул итү бүлеге аша 526 мөрәҗәгать кабул ителгән.
Александр Шадриков ТР Хөкүмәт йортында санитария-экология икеайлыгы нәтиҗәләре турында сөйләде. Биредә Татарстан Республикасы Президенты Рөстәм Миңнеханов катнашында киңәшмә узды. Табигатьне саклау ведомствосы җитәкчесе үзенең чыгышында табигатьне саклау хезмәтләренең барлык оешмалар белән закон бозуларны ачыклау һәм кисәтү буенча нинди уртак эш алып баруы турында сөйләде. 20 апрельдә Горки-Әмәт урманы территориясендә “Экояз 2019” төп экологик өмәсен үткәрү узган атнаның иң массакүләм чарасына әйләнгән. Казан шәһәре парклар һәм скверлар дирекциясе белән берлектә үткәрелгән чарада 3 000 кеше катнашкан.
Бүген Татарстан Республикасы Экология һәм табигать ресурслары министрлыгында министр Александр Шадриков рәислегендә Фәнни-техник советы утырышы булып узды.
Бүген экологлар Куйбышев тимер юлы участогының тимер юл кырыенда саклау зоналары торышын тикшерде. Тикшерү чарасында ТР Экология һәм табигать ресурслары министрлыгының Кама буе территориаль идарәсе белгечләре, “Росприроднадзор” ТР буенча идарәсе территориаль бүлеге инспекторлары, муниципаль районнарның башкарма комитетлары һәм “Түбән кама” милли паркы вәкилләре катнашты.
Бүген Тәтеш муниципаль районында коррупциягә каршы көрәш мәсьәләләре буенча республика экспертлар төркеме комиссиясе эше кысаларында “Әйләнә-тирә мохитне саклау өлкәсендә җирле үзидарәнең актуаль мәсьәләләре” дигән темага чираттагы киңәшмә булып узды.
Саратов өлкәсе Балаково авылында Түбән Идел бассейн округы Бассейн советының XXI утырышы үткәрелде. Чарада Татарстан Республикасы экология һәм табигать ресурслары министры Александр Шадриков катнашты. Утырышта судан файдаланучыларның төп проблемалары, су тармагын үстерү перспективалары, Идел елгасы бассейнының экологиясен савыктыру һәм су хуҗалыгы системаларының ышанычлы эшен тәэмин итү буенча төп проблемалар каралды.
Санитария-экология икеайлыгы башланганнан бирле ТР Экология һәм табигать ресурслары министрлыгының “Халык контроле” системасына студентлардан 14 мөрәҗәгать алынган. Калдыкларның рөхсәт ителмәгән урыннары турында мәгълүмат бирү буенча республика югары һәм махсус урта уку йортлары укучылары арасында үткәрелә торган акциянең техник операторы булып ТР Мәгълүматлаштыру һәм элемтә министрлыгы тора.