ЯҢАЛЫКЛАР

Татарстан Республикасы Экология һәм табигать ресурслары министрлыгының Кама буе территориаль идарәсе хезмәткәрләре, “Минзәлә урман хуҗалыгы” дәүләт учреждениесе белән берлектә, Минзәлә шәһәренең 2 нче мәктәбендә “Кышлаучы кошлар” дигән темага тематик чара уздырган.

Мамадышта балалар экологияне өйрәнгән. Татарстан Республикасы Экология һәм табигать ресурслары министрлыгының Кама буе территориаль идарәсе хезмәткәрләре, Мәктәптән тыш эшләр үзәге белән берлектә, физик мөмкинлекләре чикләнгән балалар өчен экология дәресләре үткәргән.

Татарстан Республикасы Экология һәм табигать ресурслары министрлыгы 15 җир асты биләмәсеннән файдалану хокукына аукционнар үткәрү турында белдерә: 

 - Дим-Тамак көнбатыш биләмәсе (кирпеч ясау өчен кызыл балчык);

- Төньяк-Юеш-Сәвәләй (известьташ); 

 - Суранчажский (вак ташлы ком);

- Чирмешән чыганагы (кирпеч ясау өчен кызыл балчык);

- Яңа Мазинск (ком-вак таш);

- Шигали (ком);

- Морт (ком);

- Русские Кищаки (кызыл балчык);

- Тавлинское чыганагы (кызыл балчык);

- Күкчә (кызыл балчык);

- Ивановское (төзелеш комы);

- Петровское-2 (ком-вак таш)

- Именьковское-3 (төзелеш комы);

- Восточно-Суровское (кирпеч ясау өчен кызыл балчык);

- Азелеевское (известьташ).

Әлмәт районында бер нефтьүткәргечтә килеп чыккан авария аркасында 700 кв.м мәйдандагы территория пычранган. 15 ноябрь – җомга көнне Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары тарафыннан Түбән Мактама авылыннан көньяктарак җир өстенә нефть агып чыгуның теркәлүен искә төшерик.

Татарстан Республикасы Кама Тамагы муниципаль районы Красновидово авылы территориясендә һәм Иске Казиле авылы тирәсендә  каты көнкүреш калдыкларын вакытлыча урнаштыру өчен билгеләнгән ике мәйданчыкта механик торгызу эшләре башкарылган.

Кама елгасының сул як ярындагы дамбаны төзекләндерү-яңарту эше инде киләсе елда ук башланып китәчәк.  Эшләрнең беренче этабы, ике еллык контракт кысаларында, 66,6 миллион сум күләмендә республика бюджеты средстволары хисабына хәл ителәчәк.

Балалар экология-биология үзәге, “Республика олимпиада үзәге” дәүләт автоном мәгариф үзәге белән берлектә, “Экологик белем бирү: тәрбия-мәгариф процессы һәм фәнни-тикшеренү эшчәнлеге” дигән темага методик семинар уздырган. Чарага Татарстанның төрле районнары һәм шәһәрләре вәкилләре җыелган.

Бергә җыелышып, дөньяны яктырак, чистаракка әйләндергәннәр! Үткән ял көннәрендә Чаллы шәһәрендә массакүләм гомумшәһәр өмәсе булып узган. Көзге җыештыру кысаларында “Түбән Кама” паркы территориясе чүп-чардан һәм агач-ботаклардан арындырылган.

Ел башыннан бирле Татарстан Республикасы Экология һәм табигать ресурслары министрлыгының Республика экологик иҗтимагый кабул итү бүлмәсенә 13 054  мөрәҗәгать кергән. Шуның 8152се – “Мәктәп экопатруле” мобиль кушымтасы аша.

Әлмәт районында Түбән Мактама авылы тирәсендә тишелгән торбадан нефть агып чыккан. Җир астыннан бәреп торган “кара алтын” фонтанын Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары рейд барышында күреп алган.