“Планета – безнең байлыгыбыз” бәйгесе башланды
“Безнең байлыгыбыз” мәгълүмат-ресурс үзәге” һәм “Вайлдкемп илкүләм паркларны үстерү үзәге (Кыргый лагерь)” автоном коммерциясез оешмалары “Планета – безнең горурлыгыбыз” бәйгесендә катнашу өчен гаризалар кабул итүнең башлануы турында белдерә. Конкурс яшь гражданнарыбызда экологик культура, әйләнә-тирә мохиткә сакчыл мөнәсәбәт булдыру, махсус сакланылышлы табигый территорияләр һәм экологик чаралар турында белемнәрне үстерү максатыннан үткәрелә.
Анда дәүләт, муниципаль оешмаларда белем алучы11-18 яшькә кадәрге Россия Федерациясе гражданнары катнашырга мөмкин. Конкурс мәгариф оешмаларының 4-5 сыйныфлары, 6-7 сыйныфлар, 8-9 сыйныфлар, 10-11 сыйныфлары укучылары арасында төрле номинацияләр буенча үткәрелә.
Конкурс номинацияләре:
1) “Торак-коммуналь хуҗалык һәм төзекләндерү”:
- “Үзеңнең уку йортыңда энергияне сак тоту технологияләре” дигән темага эссе;
- “Эко-мәктәп” темасына рәсем.
2) “Эко-архитектура”:
- “Минем эко-шәһәрем” темасына рәсем;
- Экосукмаклар – макет рәвешендәге модель яки 3 D модель.
3) «Эко-патруль»:
- Башкарылган эш турында “Минем өлешем” темасына фотосурәт;
- Башкарылган эш турында эссе.
4) “Экология турында социаль реклама”:
- “Планета – безнең казанышыбыз” темасына видеоролик;
- Төбәгегездә сирәк очрый торган хайваннар турында видеоролик.
5) “Төбәгемнең экологик үсеш стратегиясе”
- Муниципалитетны экологик үстерү проекты;
- Сезнең төбәк өчен инновацион һәм экологик технологияләр нигезендә производствоның бизнес-проекты яки техник-икътисади нигезләнеше.
Конкурс 2 этапта уздырыла: читтән торып үткәрелүче этабы – 2019 елның 18 ноябреннән 2020 елның февраленә кадәр; очный этабы – 2020 елның апрелендә. Конкурста катнашучылар читтән торып үткәрелүче этап кысаларында сайтта (www.nashe-dostoyanie.ru) теркәлә.
Белешмәләр алу өчен телефон: +7-925-851-62-88, e-mail planeta.heritage2019@gmail.com.