ЯҢАЛЫКЛАР
Лениногорск районы Иске Иштирәк авылында җир асты биләмәсеннән лицензиясез файдалану очрагы ачыкланган. Экологлар закон бозучының гомумтаралган файдалы казылма (вак таш) чыгарып, шуны үзбушаткычка төяп маташкан чагын туры китергән.
Чаллы шәһәрендә Һади Такташ урамында яшәүчеләр пычрак кар өемен күреп алып, бу хакта экологларга хәбәр иткәннәр. Татарстан Республикасы Экология һәм табигать ресурслары министрлыгының Кама буе территориаль идарәсе инспекторлары билгеләгәнчә, 195 кв.м. мәйданга кышкы җыештыру-чистартудан хасил булган калдыклар аударып калдырылган.
Татарстан Республикасы Экология һәм табигать ресурслары министрлыгының Идел-Кама территориаль идарәсе инспекторлары Чистай районы Татар Ялтаны авылында җирлек рельефына сыек көнкүреш калдыклары агызуны ачыклаган. Бу факт буенча әлеге закон бозу очрагына кагылышлы физик зат та шундук билгеләнгән.
2020 елның 23 февралендә Татарстан Республикасы Экология һәм табигать ресурслары министрлыгына Гадәттән тыш хәлләр министрлыгының бердәм дежур диспетчерлык хезмәте аша “ТЭМПО” Кама металлургия комбинатының кою производствосы ягыннан химик ис таралу турында хәбәр кергән.
Җир өстендә – кирпеч ватыклары, нигездән калган бетон блоклар, агач чүбе, тузган су сибү шланглары. Экологлар Казан шәһәре Салмачы бистәсе тирәсенә рейд ясау барышында әнә шундый чүп-чардан торган зур гына чүплеккә тап булган.
Бүген Татарстанның табигатьне саклау структуралары Идел буйлап рейдка чыккан. Шулай итеп, Татарстан Республикасы Экология һәм табигать ресурслары министрлыгының Үзәк территориаль идарәсе, Табигатьтән файдалану өлкәсендә күзәтчелек буенча федераль хезмәтнең Идел-Кама төбәкара идарәсе, Казан районара табигатьне саклау прокуратурасы, Россия Гадәттән тыш хәлләр министрлыгының Татарстан Республикасы буенча идарәсе белгечләре әле яңа оештырылган “Идел буе киңлекләре” заказнигы территориясендә тәртип саклану-сакланмавын тикшергән. Күзәтчелек тикшерүе нәтиҗәләре махсус сакланылышлы табигать территориясендә билгеләнгән режимның үтәлүен күрсәткән.
Оешмага Казан шәһәренең Совет районында пычрак кар өеп куйган өчен 200 мең сум күләмендә штраф салынган. Ел башында Татарстан Республикасы Экология һәм табигать ресурслары министрлыгы Үзәк территориаль идарәсе инспекторларының рөхсәтсез урыннарда калкып чыккан кар көртләренә тап булганлыгын искә төшерик.
Спас районы Болгар шәһәрендә көнкүреш чүбеннән зур өем калкып чыккан. Бу хакта Татарстан Республикасы Экология һәм табигать ресурслары министрлыгына WhatsApp аша хәбәр кергән.
2018 елда Әлмәт шәһәре Тельман урамындагы сәүдә бинасын капиталь төзекләндергән подряд оешмасы төзелеш эшләре барышында хасил булган 69 тонна калдыкны кайда урнаштырганлыгын аңлата алмаган. Әлмәт шәһәр суды компаниянең җитештерү һәм куллану калдыклары белән эш итүгә карата таләпләрне үтәмәүдә гаепле булуына карата экологлар фикерен хуплаган.
“ОПУ-30” җаваплылыгы чикләнгән җәмгыяте туфракны фенол белән пычраткан өчен 40 мең сум түлиячәк.