ЯҢАЛЫКЛАР

Экологик икеайлык нәтиҗәләре буенча Татарстанда 4 меңгә якын хокук бозу очрагы ачыкланган, - бу хакта Татарстан төбәк идарәсе үзәгенең туры эфирында Татарстан Республикасы  экология һәм табигать ресурслары  министрының беренче урынбасары Илнур Гобәйдуллин сөйләде.

Бүген Татарстан Министрлар Кабинетында узган киңәшмәдә экология министры санитар-экологик икеайлык нәтиҗәләре турында хәбәр итте. 

Пионер урамындагы рейд барышында көнкүреш һәм төзелеш калдыкларын рөхсәтсез җыю факты ачыкланды. Чүплекнең мәйданы 48 кв. м тәшкил итә.

ТР Экология һәм табигать  ресурслары  министрлыгының Үзәк территориаль идарәсе инспекторлары «Юл хәрәкәте иминлеге» дәүләт бюджет учреждениесе вәкилләре белән берлектә Лаеш районында автомобиль юлларының юл яны полосаларының чисталыгын тикшерделәр. Тикшерү барышында рөхсәтсез калдыклар  ташлауның өч урыны ачыкланган. Хәерби  авылында бер һәм Никольский авылында ике чүплек.

Брифинг ТР экология һәм табигать ресурслары министры Александр Шадриков катнашында узды.

«3131 хокук бозу очрагы ачыкланды, гомуми суммасы 5,3 млн сумнан артык штраф санкцияләре салынды, 1090 артык беркетмә төзелде», – дип хәбәр итте министр. Ул билгеләп үткәнчә, барлык чаралар да, шул исәптән күзәтчелек чаралары да, махсус санитар-эпидемиологик режим шартларында үткәрелгән.

Киров районында Автосервис урамында чүплек хасил булган. ТР Экология һәм табигать ресурслары министрлыгына битараф булмаган гражданнардан әнә шундый хәбәр килде. Әлеге урынны тикшерү барышында ТР Экология министрлыгының Үзәк территориаль идарәсе инспекторлары биналарны сүтүдән һәм җимерүдән барлыкка килгән төзелеш калдыкларын ачыклаган.