ЯҢАЛЫКЛАР
Татарстан укытучыларына «Беззнең белән бергә аер!» дип аталган экология дәресләре сериясен үткәрү өчен методик әсбапларның тулы комплектын алу мөмкинлеге бар. Дәресләр калдыкларны аерып җыю һәм эшкәртүгә багышланган.
Бүген Татарстан Республикасы Экология һәм табигать ресурслары министрлыгының 30 еллыгына багышланган экология рәсемнәре бәйгесе башланды. Анда мәктәпкәчә яшьтәге балалар һәм 1-11 сыйныф укучылары катнаша ала.
Бер агачны саклап калу өчен күпме макулатура тапшырырга кирәк һәм ташланган батарейкалар әйләнә-тирә мохиткә нинди зыян китерә? Казан шәһәренең 181 нче номерлы балалар бакчасында ТР Экология һәм табигать ресурслары министрлыгының Үзәк территориаль идарәсе белгечләре бу һәм башка сорауларга җавап бирде.
Балтач районының экологик белем бирү үзәкләрендә үткәрелгән дәресләрдә 150 бала үзләренең белемнәрен арттырды. ТР Экология һәм табигать ресурслары министрлыгының Төньяк территориаль идарәсе белгечләре «Урманнарны саклагыз!» дигән темага дәресләр уздырды.
«115 нче номерлы балалар бакчасы» муниципаль бюджет мәктәпкәчә белем бирү учреждениесендә тәрбияләнүчеләр гадәти булмаган киемнәрдән дефиле әзерләде. Кечкенә модельләр полиэтилен пакетлар, кәгазь, чүп өчен төрле төстәге капчыклар, иске дисклар һәм тартмалар кебек ташландык материаллардан ясалган киемнәр тәкъдим итте.
Казан дәүләт аграр университеты студентларына экология лабораториясе эшен күрү һәм химик тикшеренүләр үткәрүдә катнашу мөмкинлеше бирелде. Экология күзәтчелеген тәэмин итүнең үзәк бүлеге хезмәткәрләре булачак белгечләргә Татарстан Республикасы Экология һәм табигать ресурслары министрлыгы лабораториясе буенча экскурсия үткәрде.
Саба районының үзәк китапханәсендә укучылар өчен махсус экология викторинасы оештырдылар. Уенның максаты – балаларның күзаллауларын киңәйтү, әйләнә-тирә дөнья буенча белемнәрен тулыландыру.
Республиканың төньяк өлешендәге белем бирү учреждениеләрендә хәзерге вакытта «Кошлар өчен ашханәләр» оештыру буенча берничә экология чарасы уза. Дәрес кысаларында укытучылар һәм тәрбиячеләр кышлаучы кошлар тормышына бәйле үзенчәлекләр һәм кошларга язга кадәр яшәргә ярдәм итәчәк махсус меню турында сөйли.
Бүген «Теләченең 2 нче номерлы балалар бакчасы» мунициапль бюджет мәктәпкәчә белем бирү учреждениесендә тәрбияләнүчеләр янына ТР Экология һәм табигать ресурслары министрлыгының Төньяк территориаль идарәсе хезмәткәрләре кунакка килде.
Чистай шәһәре 1 нче номерлы муниципаль бюджет мәктәпкәчә белем бирү учреждениесенең кечкенәләр төркемендә ТР Экология һәм табигать ресурслары министрлыгының Идел-Кама территориаль идарәсе белгечләре «Безнең белән бергә бүл!» дигән темага экология дәресе үткәрде.